SMAǴUL ELÝBAI: ENTsIKLOPEDIIaNY OQÝ ÝNIVERSITETTI TÁMAMDAǴANMEN TEŃ

Almaty qalasyndaǵy Ulttyq kitaphanada «MUFTIYAT» baspasynan jaryq kórgen «Islam Entsıklopedııasy» kitabynyń tanystyrylymynda belgili jazýshy Smaǵul Elýbaı osylaı dedi.

Basqosýda sóz alǵan jazýshy: «Múftııat oqyrman úshin keremet kitap shyǵarǵan eken. Qutty bolsyn! Shyn máninde «Islam Entsıklopedııasyn» oqyp bitirý – ýnıversıtetti támamdaǵanmen teń. Sondyqtan jastardy osy kitapty oqýǵa shaqyramyn.

Ózderińiz kórip otyrsyzdar, qazir qoǵam qatigezdenip barady. Ókinishke qaraı, teledıdardan deneńdi titirkendiretin túrli jańalyqtardy kórip, oǵan kózimiz de, etimiz de úırenip ketti. Alla saqtasyn! Halyqtyń kókirek kózin ashýda kitaptyń orny aıryqsha. «Islam Entsıklopedııasy» kitaby halyqtyń rýhanı damýyna oń áser ete bergeı» dedi.

Aıta keteıik, «Islam Entsıklopedııasy» dinı sala qyzmetkerleri men izdenýshi shákirtter, ǵalymdar jáne jalpy oqyrman qaýymǵa arnalǵan.

​