Smaıyl Seıtbekov Nur-múbarak stýdentterine dáris oqydy (FOTO)

QMDB Dinı bilim jáne kadr daıarlaý bóliminiń meńgerýshisi Smaıyl Seıtbekov Almatydaǵy Nur-Múbarak ýnıversıtetiniń stýdentterine dáris oqydy.

Islamtaný mamandyǵy boıynsha bıyl oqýǵa túsken birinshi kýrs stýdentteri úshin qashanda bilim jolynda, ómir alańynda bilikti mamandar men tájirıbeli tulǵalardyń dárisi, baǵyt-baǵdar kórsetetin aqyl-keńesi mańyzdy. Osy oraıda Smaıl Súıerqululy stýdentterge ıslam jolyndaǵy bilim alý men qyzmet etýdiń erekshelikterin jiti túsindirip, mysaldarmen qyzyqty nasıhat aıtty.

«Sizderdiń aralaryńyzdan ataqty ǵalym, ustaz, qarı, hafızdar shyǵýy múmkin. Barshamyz, Qazaqstan musylmandar dinı basqarmasy bar múmkinshilikti jasaýǵa tyrysamyz. Din salasynyń qıyndyǵy bar. Biraq Alla Taǵala ár qıyndyq artynan jeńildik bar degen. Alǵashqy kezde qıyn bolýy múmkin, keıin meıirim esikterin ashylady, bastysy nıet durys bolýy kerek. Qıssada kelgen eń úlken aqıqat – ajal, eń úlken jalǵan – ómir, eń úlken bıik – maqsat ekenin bildińizder. Maqsattaryń bıik ári aıqyn bolsa, alynbaıtyn qamal joq. Sizder Nur-Múbarak ýnıversıtetine túskendikten, sol bıik maqsat jolynda bilimderińizdi shyńdap, negizgi nıetterińizge adal bolsańyzdar ózderińizge de, elge de paıdaly azamat bolatyndaryńyzǵa senemiz» dedi bólim meńgerýshisi.

Stýdentterdi bilimdi barynsha tıimdi meńgerý máselesi kóbirek qyzyqtyratyny baıqaldy. Sebebi kezdesý barysynda kókeılerindegi suraqtaryn qoıyp, tushymdy jaýap alyp qana qoımaı, bilimge degen jańa serpilispen aldaǵy emtıhandarǵa daıyndyqqa kirisip ketti.