SÝ TASQYNYNAN ZARDAP ShEKKEN 300 OTBASYǴA AZYQ-TÚLIK TARATYLDY (FOTO)
Qazaqstan musylmandary dinı basqarmasynyń tóraǵasy Naýryzbaı qajy Taǵanuly Qostanaı oblysyna barǵan saparynda ortalyq meshitte qaıyrymdylyq is-sharasyna qatysty. Qaıyrymdylyq is-sharasy barysynda sý tasqynynan zardap shekken 300 otbasyǵa áleýmettik mańyzy bar azyq-túlik sebetteri taratyldy.
«Paıǵambarymyz (oǵan Allanyń salaýaty men sálemi bolsyn) kúlli adamzatqa joldaǵan ósıetinde eń jaqsy adamnyń boıyndaǵy izgi qasıetin tilge tıek etip: «Adamdardyń eń jaqsysy – adamdarǵa paıdaly bolǵandary», – degen. Alla Taǵala siz ben bizdi aınala-tóńiregimizge paıdaly bolǵan musylmandardan etkeı. Alla Taǵala Quranda «Rahman» súresiniń 60-aıatynda: «Jaqsylyqtyń qarymy – dál sondaı jaqsylyq» dep ýáde etkendeı, jasap jatqan qaıyrymdy isterińizdiń qaıyryn kórińizder, baýyrlar! Alla Taǵala bul synaqtyń sońyn jaqsylyqqa ulastyrǵaı» dedi Naýryzbaı qajy Taǵanuly.
