«SÝDY ÚNEMDI PAIDALANÝ» TAQYRYBYNDA KÓRKEM NASIHAT AITYLDY (FOTO)

Búgin «Ábý Nasyr ál-Farabı» meshitiniń ujymy meshit jamaǵatyna apta saıynǵy dástúr boıynsha aqsham namazynan soń aq dastarhan jaıdy. Dastarhan basynda meshit azanshysy Altynbek Amanjolov jıylǵan jamaǵatqa «Sýdy únemdi paıdalaný» taqyrybynda kórkem nasıhat aıtty.

Nasıhat barysynda ysyrapshyl bolmaý kerektigi, qoldaǵy yrysty qajetsiz bostan-bosqa shashýǵa jol bermeýdiń, onyń ishinde únemdeýdiń birden-bir joly – shúmektegi sýdy bosqa aǵyzýdy doǵarý ekeni aıtyldy.

Ysyrapshyldyq – shaıtannyń dosy delingen. Alla Taǵala qasıetti Quranda «Aǵraf» súresiniń 31-aıatynda: «Ysyrap jasamańdar. Shynynda, Alla – ysyrapshyldardy súımeıdi» dep eskertedi. Ysyrap – berekeni azaıtady. Únemdeý, kerisinshe – berekeni arttyrady.

Sondaı-aq, nasıhat barysynda paıǵambarymyzdyń (oǵan Allanyń ıgiligi men sálemi bolsyn) ónegeli ómirinen mysaldar aıtyldy. Sondaı kórkem mysaldyń biri: Sahaba Abdýlla ıbn amr bylaı áńgimeleıdi: «Dáret alyp otyrǵan Sadtyń qasynan Alla elshisi (oǵan Allanyń ıgiligi men sálemi bolsyn) ótip bara jatyp, oǵan: «Myna ysyrap ne?» - dedi. Sad: «Dárette de ysyrap bola ma?» - dep suraıdy. Sonda Alla elshisi: «Iá. Tipti aǵyp jatqan ózende dáret alyp tursań da ysyrap» - dedi». Mine, ysyrapshyldyqtan qashý bizge paıǵambarymyzdyń (oǵan Allanyń ıgiligi men sálemi bolsyn) qalǵan ónege.

Tis jýǵan kezde sýdy bosqa saryldatpastan shúmekti birer sátke jaýyp qoıýdy ádetke aınaldyrǵanymyz abzal. Únemdeý – dinimiz ben ultymyzdyń úıretken tálimi. Olaı etýimiz túkke turǵysyz bop kórinýi múmkin, biraq ol – Allanyń nazarynda úlken nárse bolýy múmkin ekendigin esten shyǵarmaýymyz kerek.

Osy oraıda, Qurandaǵy myna qatarǵa júginemiz: «Sender ony jeńil-jelpi sanaısyńdar. Al ol, Allanyń qasynda - úlken nárse» («Nur» súresi, 15-aıat).

Osylaısha beısenbiniń aqsham keshinde ózekti ári paıdaly nasıhatpen sýsyndaǵan jamaǵat meshit ujymyna zor alǵystaryn bildirdi. 

Derekkóz: ummet.kz