Sýdıa 5 jyldan keıin musylman áıelden keshirim surady

Kanadadaǵy Kvebek shtatynyń sýdıasy bes jyldan keıin hıdjab kıgeni úshin sot zalynan qýylǵan musylman áıelden resmı túrde keshirim surady.

Keshirim Kvebek shtatynyń Sot keńesi músheleriniń onlaın-otyrysy kezinde jasaldy, onda sýdıa Elıana Marengo men musylman áıel Ranııa El-Allýldyń isi qaraldy.

Sýdıa Marengo El-Allýldan oramalyn sheshýin ótinip, qatelik jibergenin jáne qolaısyzdyqtar men syılamaýshylyqqa ókinetinin aıtty.

Hıdjabty bas kıimmen jáne kún kózildirigimen salystyrýdaǵy kemshilikterge túsinikteme bere otyryp, Marengo onyń áreketi áıeldiń dinı sezimin buzýǵa emes, sot ǵımaratyndaǵy tártip erejelerine baılanysty ekenin aıtty.

Ranııa El-Allýl sýdıa Marengonyń keshirim suraýyn qabyldady.

Anadolu Ajansı-nyń habarlaýynsha, 2015 jyldyń sáýirinde sýdıa Marengo apatqa ushyraǵan musylman ál-Allýl esimdi áıeldiń isin qaraýdy áıel hıdjab kıdi degen syltaýmen bas tartqan.