SÝYQ KÚNDE JYLÝ SYILA! (FOTO)

QMDB Astana qalasy ókildigi «Sýyq kúnde jylý syıla» aktsııasyn bastady. Astana qalasynyń bas ımamy Erbolat Nuryldaulynyń bastamasymen qala meshitteri qaqaǵan sýyqta kóshe tazalap júrgen tazalyqshylarǵa ystyq tamaq pen sháı taratty.

Sonyń ishinde qalalyq «AQ MESHIT» meshitiniń bas ımamy Dáýren Múslımov bastaǵan qyzmetkerler de saýapty iske atsalysty. Qańtardyń aıazdy kúnderinde qar basyp qalǵan qala kóshelerin tazalap júrgen qyzmetshilerge bir ýaqyt ystyq tamaq usynyp, ystyq shaımen boıyn jylytyp, az ýaqyt bolsa da dem basýyna mursat berý – úlken saýap.

Qasıetti Quranda «Allanyń ózderińdi únemi kórip turatynyn qaperlerińde ustap, tek ıgi ister isteseńder, ózderiń úshin jaqsylyq istegenderiń» («Isra» súresi, 7-aıat) delinedi.

Shyn máninde súıikti qalamyzdyń tazalyǵyn saqtap, kózge kórinbeıtin aýyr jumysty atqaryp júrgen baýyrlarymyzdyń alǵysyn alyp, kóńilin bir serpiltip qoıý óte mańyzdy jáne tárbıelik maǵynasy tereń amal. Osy iste atsalysqan barsha qyzmetkerler men meshit jamaǵatyna alǵys aıtamyz.