«SÝYQ KÚNDE JYLÝ SYILA»: «YRYSKELDI QAJY» MEShITI DE SAÝAPTY ISKE ATSALYSTY

QMDB Astana qalasy ókildigi Erbolat Nuryldaulynyń bastamasymen qala meshitteri qaqaǵan sýyqta kóshe tazalap júrgen tazalyqshylarǵa ystyq tamaq pen sháı taratyp, «Sýyq kúnde jylý syıla» aktsııasyn bastaǵan bolatyn.

Sonyń ishinde qalalyq «Yryskeldi qajy» meshiti de saýapty iske atsalysty. Aqpannyń aq boranynda qar basyp qalǵan qala kóshelerin tazalap júrgen qyzmetshilerge bir ýaqyt ystyq tamaq usynyp, ystyq shaımen boıyn jylytyp, az ýaqyt bolsa da dem basýyna mursat berý – úlken saýap.

Qasıetti Quranda «Allanyń ózderińdi únemi kórip turatynyn qaperlerińde ustap, tek ıgi ister isteseńder, ózderiń úshin jaqsylyq istegenderiń» («Isra» súresi, 7-aıat) delinedi.

Shyn máninde súıikti qalamyzdyń tazalyǵyn saqtap, kózge kórinbeıtin aýyr jumysty atqaryp júrgen baýyrlarymyzdyń alǵysyn alyp, kóńilin bir serpiltip qoıý óte mańyzdy jáne tárbıelik maǵynasy tereń amal. 

Derkkóz: muslim.kz

Источник: Aidos