Taǵylymǵa tunǵan «Danalyq tamshysy» oqyrmanǵa jol tartty

Nur-Múbarak ýnıversıtetiniń doktoranty, ıslamtanýshy Qýat Qabdoldanyń «Danalyq tamshysy» atty kitaby jaryq kórdi. Avtordyń bul eńbegi kóp jylǵy zerttep júrgen ýaqyp taqyryby men ýaǵyz retinde jazylǵan ǵıbratty oqıǵalar men áńgimelerdi qamtıdy. Eńbek ıslamtanýshy, dintanýshy mamandarǵa ǵana emes jalpy kópshilik qaýymǵa arnalady. Kitap Qazaqstan Respýblıkasy Din isteri komıteti, QR Mádenıet jáne sport mınıstriniń «dintaný saraptamasyn júrgizý» talaptarynan ótip, oń baǵaǵa ıe bolǵan.

Al alǵy sóz jazǵan PhD doktor Muhıtdın Isauly:

«...túsingenge bul kitaptyń aıtary da, bereri de kóp. Torqaly toıdan toıyp qaıtqandaı, qaıtyp qana qoımaı qorjynnyń eki basy tolyp qaıtqandaı kúı keshesiz...»,-dep joǵary baǵa bergen.

Nur-Múbarak ýnıversıtetiniń alǵashqy túlekteriniń qataryndaǵy ıslamtanýshy Qýat Qabdolda el ishinde ımamdyq qyzmet atqaryp, Mysyr elinde arab tilin jetildirip, Nur-Múbarak ýnıversıtetiniń magıstratýrasyn támamdap, ustazdyq qyzmet atqaryp, búginde doktorantýra bóliminde ǵylymǵa bet burǵan. Bul eńbektiń kez kelgen oqyrman úshin taǵylymy men paıdasy ólsheýsiz ekeni daýsyz.