TALAPKER-2021: Medreselerde emtıhan bastaldy (FOTO)

Qazaqstan musylmandary dinı basqarmasyna qarasty 9 medrese-kolledjde 2021-2022 oqý jylyna talapkerlerdi qabyldaý emtıhany bastaldy.

Bul týraly QMDB Dinı bilim jáne kadr daıarlaý bóliminiń meńgerýshisi Smaıyl Seıtbekov habarlady. Onyń aıtýynsha, eń alǵashqy emtıhan 19-20 tamyz kúnderi «Astana» medrese-kolledjiniń uldar jáne qyzdar bóliminde ótken.

«Medreselerimizge qabyldaý emtıhandary 26 tamyzǵa deıin jalǵasady. Búginge deıin «Astana», «Saryaǵash» jáne Almaty oblysyndaǵy «Úshqońyr» medrese kolledjerinde emtıhan ótip, oǵan 982 talapker qatyssa, onyń 498-i – er bala jáne 484-i – qyz bala. Búgin «Shymkent» jáne Almatydaǵy «Ábý Hanıfa» medrese-kolledjinde bilim synaǵy ótip jatyr. Talapkerlerden Dinı bilim jáne kadr daıarlaý bóliminiń mamandary men medrese ustazdary emtıhan qabyldaýda», – deıdi Smaıyl Súıerqululy.