Tarazdan Túrkııaǵa 21 júk kóligi jóneltildi

Búgin Taraz qalasy boıynsha jer silkinisinen zardap shekkender úshin arnaıy 21 júk kóligi jasaqtalyp, baýyrlas memleket Túrkııa eline gýmanıtarlyq kómek jóneltildi.  

Shahar turǵyndary, meshit qyzmetkerleri, belsendi jastar, qalaǵa jaqyn aýyl-aımaq barlyǵy birlesip, qap-qap túrli azyq-túlik, sharýashylyq zattary, jylytýǵa arnalǵan batareıalar, jyly kıimder, kıim-keshektiń basqa da túrleri, odeıalo, kórpe-jastyq syndy turmystyq qajettilikterdi jınady. 

Júk kólikterdi jolǵa shyǵaryp salý úshin Jambyl oblysynyń bas ımamy Beıbit Myrzageldıev, «Zeket jáne qaıyrymdylyq» qorynyń ókili Erjan Amanbaev pen qala aqsaqaldary, belsendi jastar jınaldy. Bas ımam kómekke zárý bolǵan adamdarǵa járdem aman-esen jetip, sapardyń sátti bolýyn tiledi. Sonymen qatar kópshilik qol jaıyp, baýyrlas elderdiń amandyǵy úshin duǵa jasady.   

​