TATARSTANDA ǴYLYMI-TANYMDYQ KONFERENTsIIa ÓTTI

Reseı múftıler keńesi men RF musylmandary dinı basqarmasy, Mýhammad bın Zaıd atyndaǵy BAÁ Gýmanıtarlyq ýnıversıtetiniń uıymdastyrýymen Tatarstan astanasy Qazan qalasynda «Rýhanı Jibek joly: Úlken Eýrazııa keńistigindegi dástúrli qundylyqtardyń mańyzy» V halyqaralyq ǵylymı-tanymdyq konferentsııasy ótti.

Halyqaralyq is-sharaǵa musylman elderiniń múftıleri men din ǵalymdary, Qazaqstan atynan Bas múftı tapsyrmasymen naıb múftı Ershat Ońǵar qatysyp, baıandama jasady. Ershat Aǵybaıuly qatysýshylarǵa QMDB Tóraǵasy Naýryzbaı qajy Taǵanulynyń ystyq sálemin jetkizip, konferentsııanyń mańyzyna toqtaldy.

Aıta keteıik, atalmysh halyqaralyq jıyn buǵan deıin Qytaıda (2016), Reseıde (2017), Qyrǵyzstanda (2018) jáne Qazaqstanda (2019) ótken bolatyn.

​