«TÓLEBAI» MEShITINDE MÁÝLIT KEShI BOLYP ÓTTI (FOTO)

Qazaqstan musylmandary dinı basqarmasy Astana qalasy ókildigine qarasty «Tólebaı» meshitinde súıikti Paıǵambarymyz (s.ǵ.s) týylǵan Rabıǵýl áýýál aıynyń qurmetine oraı Máýlit keshi uıymdastyryldy.

Rýhanı sharaǵa qatysqan «Áziret Sultan» meshitiniń naıb ımamy Omar Sálimbekov Paıǵambarymyzǵa (s.ǵ.s) degen súıispenshilik jaıly ýaǵyz aıtyp, eki dúnıe sardaryn shynaıy jaqsy kórýdiń qanshalyqty mańyzdy ekendigin jetkizdi.  

Aıtýly merekege aıryqsha daıyndalǵan meshit qyzmetkerleri de jamaǵatqa erekshe syı-qurmet kórsetip, aq dastarhan basynda ónegege tolyq suhbattar júrdi. Jáne Bárzánjı máýliti oqylyp, Paıǵambarymyzǵa (s.ǵ.s) sálem-salaýattar joldandy.

Kesh sońynda arnaıy Máýlit keshiniń qurmetine jaıylǵan dastarhan basynda  Quran oqylyp, elimizdiń amandyǵy men tynyshtyǵy úshin duǵa jasaldy.

Источник: Aidos