Tóralqa májilisinde bólim basshylary baıandama jasady (FOTO)

14 qańtar 2021 2437 0
Оqý rejımi

Qazaqstan musylmandary dinı basqarmasy ǵımaratyndaǵy «ál-Farabı» zalynda ótken 2021 jyldyń keńeıtilgen Tóralqa májilisinde QMDB-nyń bólim basshylary baıandama jasady.

Sondaı-aq bólim basshylary oblys ımamdaryna óńirdegi din nasıhatyn jandandyrýǵa qatysty birqatar usynystaryn jetkizdi. Dinı bilim jáne kadr daıyndaý bóliminiń meńgerýshisi Smaıyl Seıitbekov óńirlerde dinı kadr tapshylyǵyn sheshý máselesine nazar aýdardy.

Sharıǵat jáne pátýa bóliminiń meńgerýshisi Sansyzbaı Shoqanov el ishinen joldanǵan suraqtarǵa ádeppen, yjdaǵattylyqpen jaýap berý qajettigine toqtalsa, Ýaǵyz-nasıhat bóliminiń meńgerýshisi Batyrjan Mansurov ýaǵyz aıtý kezindegi birqatar mańyzdy talaptardy saqtaý kerektigin alǵa tartty.

Aqparat jáne qoǵammen baılanys bóliminiń meńgerýshisi Marat Bektazınov «Halyq arna» telearnasynyń aımaqtardaǵy ókildikterin ashý ýaqyt talaby ekenin jetkizse, Dinı ońaltý bóliminiń meńgerýshisi Qanat Alshynbaev jat aǵymdar jeteginde ketken jandardy dástúrli jolǵa túsirýdiń jańa tásilderimen bólisti.

Baspa jáne aýdarma bóliminiń meńgerýshisi Murat Ábdihalyqov «Mýftııat» baspasynyń bıyl jaryqqa shyǵaratyn kitaptaryn tanystyrsa, Meshit isteri bóliminiń meńgerýshisi Marat Jappasbaev óńirlerdegi birqatar meshitterdiń atyn aýystyryp, olarǵa el tarıhynda izi qalǵan tulǵalardyń esimin berýdi usyndy.

Sondaı-aq Tóralqa májilisinde Apparat basshysy Ǵylymbek Jádigeruly, Bas múftıdiń keńesshisi Bıjigit Nurjigituly, Qajylyq bóliminiń meńgerýshisi Jandillá Bekjigitov, Din isteri jáne taldaý bóliminiń meńgerýshisi Nurbek Esmaǵanbet, Baspasóz hatshysy Aǵabek Qonarbaıuly, «Zeket» qorynyń dırektory Talǵat Omarov, «Halal Damý» JShS dırektory Aıbek Atashev, Is basqarýshy Erbosyn Oryn, Bas esepshi Laýra Baıjarasova, zańger Zeınesh Saǵyndyqova baıandama jasady. Tóralqa májilisin QMDB Tóraǵasynyń orynbasary, naıb múftı Ershat Ońǵarov júrgizdi.

 

Pіkіrler Kіrý