«Túrkistan – túrki dúnıesiniń rýhanı ortalyǵy» atty konferentsııa ótti (FOTO)
- Keshe Túrkistan qalasynda «Túrkistan – túrki dúnıesiniń rýhanı ortalyǵy» atty konferentsııa ótti. Oǵan Bas múftı Serikbaı qajy Oraz, Qazaqstan Respýblıkasy Qoǵamdyq damý vıtse-mınıstri Berik Saqbaıuly, Birinshi naıb múftı Naýryzbaı qajy Taǵanuly, oblys ardagerleri, zııaly qaýym jáne din ókilderi qatysty.
Alqaly jıynda sóz alǵan Serikbaı qajy Satybaldyuly:
"Tarıh – bul bizdiń qazynaly qoınaýymyz. Halqymyz sol tarıh qatparynan mol tájirıbe jınap, Haq din – ıslammen qaýyshty, ult bolyp uıysty, memleket bolyp qalyptasty. Qazaq halqy ushsa qustyń qanaty talatyn, shapsa tulpardyń tuıaǵy talatyn osynshama ulanǵaıyr aımaqty tarıhtyń ártúrli kezeńderinde baýyryna basty. Qudaıǵa myń da bir shúkir, bul – tarlan tarıhtyń bizge qaldyrǵan tartýy dep bilemiz. Biz, qazaq halqy ázelden fıqhta ıslamdaǵy quqyqtyq áleýeti zor Hanafı mázhabyn ustanamyz. Biz senimde Quran men súnnetke saı ratsıonaldy oılaýǵa múmkindik beretin Matýrıdı aqıda mektebiniń ókilderimiz", - dep atap ótti.
Minberde sóz alǵan Birinshi naıb múftı, QMDB-nyń Túrkistan qalasyndaǵy keńse basshysy Naýryzbaı qajy Taǵanuly kıeli ólkede jańa bastamalardy belsendi túrde atqaryp, eldiń ıgiligi men birligi jolynda qyzmet etetinin baıandady.
