Túrkistanda 6 muqtaj otbasyǵa baspana berildi (FOTO)

Túrkistan oblysynyń Jetisaı aýdanynda QMDB «Zeket» qorynyń «El úlesi – páterge» aktsııasy aıasynda salynǵan 12 úıdiń qurylysy aıaqtalyp, sońǵy 6 baspana paıdalanýǵa berildi.

Páter ıeleriniń bári – turmysy tómen, kópbalaly muqtaj otbasylar. Baspana kiltin tabystaý rásimine metsenat Baharaddın Ablazımov, aýdan ákimi Jamantaı Beısenbaev, aýdannyń burynǵy ımamy Bekzat Syzdyqov arnaıy qatysty. Aýdan ımamy Jorabaı Dýlatbaev baspana salǵan azamattardyń barshasyna QMDB tóraǵasy, Bas múftı Naýryzbaı qajy Taǵanulynyń atynan rızashylyǵyn bildirdi.

Aıta keteıik, bul «El úlesi – páterge» aktsııasymen paıdalanýǵa berilgen 315, 316, 317, 318, 319 jáne 320-shy baspana. Ár úıdiń quny 8 mıllıon teńge turady.