TÚRKIIaDAǴY «TALABA» ShÁKIRTTERIMEN KEZDESÝ ÓTTI

QMDB Ýaǵyz-nasıhat bóliminiń meńgerýshisi Batyrjan Mansurov pen Halyqaralyq baılanys jáne hattama bóliminiń meńgerýshisi Marat Bektazınov Túrkııa Respýblıkasynyń Ystambul qalasynda bilim alyp jatqan shákirttermen kezdesti.

Bólim meńgerýshileri stýdentterge QMDB Tóraǵasy, Bas múftı Naýryzbaı qajy Taǵanulynyń sálemin jetkizip, múftııattyń Túrkııa Respýblıkasyndaǵy ókili ári «Talaba» stýdentter qaýymdastyǵynyń jańa jetekshisi Abdýrashıd Qarabaevty tanystyrdy. 

Sondaı-aq QMDB atynan arnaıy dastarqan jaıylyp, Batyrjan Berdenuly men Marat Dálelhanuly dinı baǵytta bilim alyp júrgen qazaqstandyq shákirtterge nasıhat aıtty.