Túrkmenstan meshitteri áli bir aı jabyq bolmaq

Kórshiles Túrkmenstan elinde kornavırýs indetiniń aldyn alý maqsatynda qulshylyq ordalary 1 qazan kúni biraq ashylmaq. Bul jaıynda Túrkmenstan mýftııatyna silteme jasaı otyryp, «Túrkmenportal» habarlady.

Aıta keteıik, eldegi meshitter men qulshylyq oryndary 13 shildeden bastap, «Koronavırýs pandemııasyna qarsy jumystar jáne jedel áreket jasaý jónindegi Túrkmenstannyń daıyndyq jospary» aıasynda jabylǵan bolatyn.

Degenmen, Túrkmenstan bıliginiń resmı málimeti boıynsha, el aýmaǵynda koronavırýs indetin juqtyrý jaǵdaıy esh tirkelmegen. Alaıda, Dúnıejúzilik densaýlyq saqtaý uıymy Túrkmenstan azamattary arasynda ókpe qabyný aýrýy kúrt óskenine alańdaýshylyq bildirgen bolatyn.

«Bizge bári belgili. Sondaı-aq, ókpe qabynýy jáne aýa arqyly juǵatyn aýrýlar jaıly kelip túsken habarlamaǵa qatty alańdaýlymyz», – degen edi Dúnıejúzilik densaýlyq saqtaý uıymynyń Eýropadaǵy tótenshe jaǵdaılar boıynsha joǵary mamany KEtrın Smollvýd.