TÚZEÝ MEKEMESINDE 200 ADAMǴA AÝYZAShAR BERILDI (FOTO)

Qazaqstan musylmandary dinı basqarmasy Astana qalasy ókildiginiń «Zeket jáne qaıyrymdylyq» qory Arshalydaǵy túzetý mekemesine baryp, sol jerdegi qyzmetkerler men jazasyn ótep jatqan 200 janǵa aýyzashar sebetterin úlestirdi.

Is-sharaǵa Astana qalasy ókildigi «Zeket jáne qaıyrymdylyq» qorynyń jaýapty mamany Nurbol Orazbaı, QMDB Astana qalasy ókildiginiń dinı ońaltý baǵytyna jaýapty maman Rahymqazy Qabdysalym men «Aq meshit» meshitiniń naıb ımamy Oljas Ismaıylov qatysyp, Ramazan aıynyń qadir-qasıeti men shapaǵaty jaıynda ýaǵyz-nasıhat aıtty.

Ramazan – meıirim men qaıyrymdylyq aıy. Bul qasıetti aıda musylmandar tek ózderin rýhanı tazartyp qana qoımaı, muqtaj jandarǵa kómektesýge, saýapty amaldardy kóbirek jasaýǵa tyrysady. Jaqsylyq jasaý – Ramazannyń basty qaǵıdalarynyń biri. Sol sebepti, osyndaı qaıyrymdylyq sharalary qoǵamdaǵy birlik pen janashyrlyqty arttyryp, adamdardyń bir-birine degen qamqorlyǵyn nyǵaıta túsedi.