Ulybrıtanııa temekiden túbegeıli bas tartpaq

Ulybrıtanııa úkimeti «2020 jyldary halyqtyń densaýlyǵyn jaqsartý tujyrymdamasyn» usyndy, dep habarlaıdy «QazAqparat» HAA BBC-ge silteme jasap.

Onyń negizgi maqsattarynyń biri – 2030 jylǵa deıin temekiden túbegeıli bas tartý. Ulybrıtanııa álemdegi temekige qarsy eń qatań zańdy ustanatyn memleketterdiń biri bolyp tabylady. 1985 jyly bul elde teledıdardan, al 2003 jyly – jarnama taqtasynan temekini jarnamalaýǵa tyıym salyndy; 2005 jyldan bastap temeki kompanııalaryna kópshilikke arnalǵan is-sharalarǵa jáne sporttyń jarystarǵa demeýshi bolýǵa ruqsat etilmeıdi. 2007 jyly Ulybrıtanııa álemdegi alǵashqy el bolyp meıramhanalar men dámhanalarda temeki tartýǵa tyıym saldy.

Eldegi barlyq áýejaılar shylymqorlarǵa arnalǵan bólmelerdi alyp tastady.

Dál sol 2007 jyly bılik ókilderi temeki satyp alýǵa ruqsat etiletin jasty 16-dan 18-ge deıin kóterdi. 2010 jyldardan beri elde udaıy shylymnan bir aıǵa bas tartyp, nátıjesin kórýge shaqyratyn Stoptober syndy naýqandar ótkizilip turady.