ULYSTYŃ ULY KÚNINE ORAI MEREKELIK ShARA ÓTTI (FOTO)

Ulystyń uly kúni – Naýryz merekesine oraı Astana qalasyndaǵy «Áziret Sultan» meshitinde merekelik shara uıymdastyryldy. Ulttyq meıramǵa oraı meshit aýlasyna kıiz úı tigilip, jamaǵat arasynda ulttyq sport túrlerinen saıys ótkizildi.

Besin namazynan soń meshit aýlasynda bas qosqan jamaǵat arasynda láńgi tebý, buqa tartys, gir kóterý jáne qol kúrestirý oıyndary oınatylyp, jeńimpazdarǵa estelik syılyqtar berildi.

Meshit aýlasyndaǵy merekelik sharaǵa QMDB tóraǵasy, Bas múftı Naýryzbaı qajy Taǵanuly qatysyp, jamaǵatty Naýryz merekesimen quttyqtady. QMDB Astana ókildigi Áıel-qyzdar sektorynyń uıytqy bolýymen ulttyq taǵamdarǵa toly merekelik dastarhannan dám tatty. Ulystyń uly kúnine oraılastyrylǵan tusaýkeser rásimine qatysyp, sábıdiń qulaǵyna azan shaqyryp, esimin qoıdy. Bas múftı Naýryzbaı qajy Taǵanuly sábıge aq batasyn berip, Áz Naýryzda salt-dástúrimiz ulyqtaldy. Dastarhan basynda kúı shertilip, án men jyrdan shashý shashyldy.

Sýretterdi «FOTOGALEREIa» aıdarynan kóre alasyzdar!