Úndistan 4 000 000 musylmandy jer aýdarýy múmkin

Úndistannyń Assam shtatynda turatyn 4 000 000 musylman deportatsııaǵa ushyraýy múmkin. olardyń esimi Ulttyq azamattyq tizimge enbeı qalǵan. Shilde aıynyń 30-juldyzynda úndistannyń Joǵary Soty 1951 jyldan beri jańartylmaǵan azamattyq tizimdi qaıta jasap shyǵýyn maquldaǵan bolatyn.

Bılik ókilderiniń aıtýynsha, tizimge enbegen 4 000 000 jan Bangladeshten kelgen zańsyz bosqyndar bolýy múmkin. al, endi olardyń Úndistan jerinde qalýy úshin 1951 jylǵa deıin osy jerde ózderi ne ata-analary turǵanyn aıǵaqtaıtyn qujattar qajet kórinedi.

Degenmen, Assam shtatynyń basshylary ázirge dúrligýdiń esh sebebi joqtyǵyn aıtyp otyr. Azamattyq tizimge enbeı qalǵandar qyrkúıek aıyna deıin apellıatsııaǵa berýine bolady deıdi.

«Keı adamdar esh negizsiz baıbalamdaý ústinde. Bul tek joba ǵana, al tizim áli naqty emes», – deıdi Ishki ister mınıstri Radjnath Sıngh.