ÚII ÓRTTEN ZARDAP ShEKKEN AQSAQALǴA QARJYLAI KÓMEK KÓRSETILDI (FOTO)
Esterińizde bolsa Astana qalasynda turatyn meshit jamaǵaty Amangeldi Dáripbekuly esimdi aqsaqalymyzdyń tilsiz jaý sebepti baspanasynan aıyrylǵanyn habarlaǵan edik. Allanyń qalaýymen basyna túsken osy bir synaq kóp ýaqyt ótpeı óz qaıyryn berdi. Jamaǵat pen jomart jandar kómegimen QMDB «Zeket jáne qaıyrymdylyq» qorynyń uıymdastyrýy negizinde qarajat jınalyp, atamyzǵa úıin qalpyna keltirýi úshin kómek berilgen bolatyn. Astana qalasy ókildigi de osy bir saýapty iste shet qalǵan joq.
Mine, endi aradan azdaǵan ýaqyt ótip, qala bas ımamy Erbolat Júsipov bastaǵan «Áziret Sultan» meshitiniń ujymy aqsaqaldyń qaıta kóńilin suraı bardy. Zor qýanyshpen qarsy alǵan atamyz aq dastarhan jaıyp, onyń aınalasynda ıgi tilekter aıtyldy.
Qazirgi ýaqytta aqsaqalymyzdyń shańyraǵy birshama qalypqa kelip qalǵan. Odan ári úı ishine kórik berip tursyn degen nıetpen dinı kádesyı berilip, arnaıy qarjylaı kómek te tabystaldy. Baspanasyn endi ǵana tiktep kele jatqan aqsaqal turmystaǵy «jyrtyǵyna» jamaý bolar kómekke shyn alǵysyn aıtyp, dán rızashylyǵyn bildirdi.
Izgi basqosý sońynda Quran aıattarymen duǵa jasalyp, Astana ımamdary atamyzdyń shańyraǵyna mol bereke, qýanysh pen rýhanı shattyq tiledi. Aqsaqal din qyzmetkerlerin shyǵaryp sala otyryp óz alǵysyn jetkizdi.
