ÁIEL JAMAǴATYNA «MÁIITTI JÝYP, KEBINDEÝ» TAQYRYBYNDA PRAKTIKALYQ SEMINAR ÓTTI (FOTO)

Búgin «Yryskeldi qajy» meshitińde áıel jamaǵatyna arnalǵan «Máıitti jýyp, kebindeý» taqyrybynda praktıkalyq semınar ótti. QMDB-nyń Astana qalasy boıynsha Qamqor Sharapat salttyq qyzmet kórsetý ortalyǵy nasıhattaldy.

Semınarda QMDB Astana qalasy ókildigi Áıel-qyzdar sektorynyń meńgerýshisi Elmıra Buharbaeva áıel adamdardyń aqyret kıimderi, olardyń ataýlary men túrleri, ólshemderi týraly baıandap, is júzinde áıel kıimderin piship, tanystyrdy. Odan keıin máıitti jýý tártibi, eskeriletin jaǵdaılar, tyıymdar, jýý barysynda qajetti zattar týraly keńirek aıtyp, manıken arqyly jýyndyrý men kebindeý rásimin kórsetti. Semınarǵa qatysýshylar suraqtaryna tolyq jaýap alyp, bereri mol osyndaı semınarlar aldaǵy ýaqytta da ótkizilip tursa degen ótinishterin jetkizdi.

Источник: Aidos