«Zeket – tazarý joly» taqyrybynda semınar ótti (FOTO)
Almatydaǵy «Abdýlla» meshitinde «Zeket – tazarý joly» taqyrybynda semınar ótti. Semınarǵa QMDB «Zeket jáne qaıyrymdylyq» qorynyń dırektory Talǵat Omarov pen Almaty qalasynyń bas ımamy Tólebı Ospan jáne qaıyrymdylyqqa jaýapty ımamdar qatysty.
Qor dırektory men bas ımam qaıyrymdylyq sharalaryn uıymdastyrýdyń zamanaýı úlgidegi jobalary men kreatıv oılaryn ortaǵa saldy. Semınar trenıngte Talǵat Omarov «Zeket jáne qaıyrymdylyq» qorynyń Almaty qalasyndaǵy ókilderine qaıyrymdylyq kórsetýdiń zamanaýı úlgileri men qarjylyq ashyqtyqty qamtamasyz etý máselesine toqtaldy.
Semınar qatysýshylaryna Qazaqstan musylmandary dinı basqarmasynyń qaıyrymdylyq baǵyttaǵy 2020-2021 jylda atqarylǵan is-sharalary kórsetildi. Semınarǵa Almaty qalasy boıynsha «Zeket jáne qaıyrymdylyq» qorynyń qaıyrymdylyq baǵyttaǵy is-sharalaryn júrgizetin 50 meshit qyzmetkerleri qatysty.
