«Zeıin» oqyrmandar klýby rýhanı kezdesý ótkizdi (FOTO)

QMDB Ortalyq apparatynyń «ál-Farabı» zalynda «Zeıin» oqyrmandary klýbynyń uıymdastyrýymen «Laıfhaktar» jáne «Men álemdi kórmeımin sen sııaqty» kitabynyń avtory, IT-mamany Danııar Jigitbekpen kezdesý ótti.

Elorda jastary jınalǵan rýhanı kezdesýde Danııar Jigitbek «Ne úshin kitap oqý kerek?» taqyrybynda nasıhat aıtyp, kitap oqýdyń paıdasyna toqtaldy. Óziniń kitabynda atap kórsetken kitap oqý ádisterin bólisti. Odan bólek ómirdi ónimdi ótkizý, ýaqytty júıeleý jáne jospar qurý sekildi paıdaly, motıvatsııalyq keńesterin de jetkizip, qatysýshy jastardyń suraqtaryna tushymdy jaýap berdi.

Kesh sońynda «Zeıin» oqyrmandar klýbynyń jetekshisi Mahambet Iskander qatysýshylarǵa QMDB Tóraǵasy Naýryzbaı qajy Taǵanulynyń sálemin jetkizip, kesh qonaǵyna Bas múftı jetekshiligimen jaryq kórgen «Ihsan – rýhanı tárbıe negizi» kitabyn syıǵa tartty.

Rýhanı kezdesýge jınalǵan elordalyq jastar uıymdastyrýshylarǵa alǵysyn bildirip, kóterińki kóńil-kúımen tarqasty.

​