Jańa meshitte qaıyrymdylyq sharasy ótti (FOTO)

Almaty oblysy Talǵar aýdanynan jańadan ashylǵan Ábý Bákir as-Syddyq meshitinde qaıyrymdylyq kerýeni ótti. Is-sharaǵa QMDB Tóraǵasy Naýryzbaı qajy Taǵanuly qatysty.

QMDB «Zeket jáne qaıyrymdylyq qorynyń» Almaty aımaǵy ókildigi uıymdastyrǵan «Berekeli Ramazan kerýeni» qaıyrymdylyq marafony aıasynda áleýmettik jaǵdaıy tómen jáne kópbalaly otbasylarǵa azyq-túlik paketteri berildi. Sondaı-aq, Bas múftı atynan múmkindigi shekteýli balalarǵa arba syılandy.

Naýryzbaı qajy Taǵanuly qýanyshqa kenelgen jandar men osy qaıyrymdylyq sharasyna muryndyq bolǵan azamattarǵa rızashylyq bildirdi.