Jańa joba: «Bólim saǵatynyń» alǵashqy ashyq jınalysy ótti (FOTO)

Elordadaǵy Qazaqstan musylmandary dinı basqarmasy ǵımaratynda Bas múftı Naýryzbaı qajy Taǵanulynyń bastamasymen «Bólim saǵaty» jobasynyń alǵashqy májilisi ótti.

Bas múftı tóraǵalyǵymen ótken «Bólim saǵatynyń» birinshi otyrysynda «Sharıǵat jáne pátýa, «Dinı ońaltý» bólimderiniń jumysy tyńdalyp, jospary talqylandy. Jıynda QMDB Sharıǵat jáne pátýa bólimi meńgerýshisiniń orynbasary Hasan Amanqulov pen Dinı ońaltý bóliminiń meńgerýshisi Qanat Alshynbaev Bas múftıge bólimniń aǵymdaǵy jumystary jaıly esep berdi.

Májilisti ashqan QMDB Tóraǵasy Naýryzbaı qajy Taǵanuly: «Bul jobany qolǵa alýdaǵy maqsatymyz – QMDB janyndaǵy bólimderdiń jumysyn jetildirip, ıgi jobalardy pysyqtap, izgi isterdi jandandyrý, bólimniń jumysyna qatysty usynys-pikirlerdi tyńdap, tıisti sheshim qabyldaý. Ashyq jınalysta óz bólimderińizge qatysty máselelerdi ashyq aıtyp, usynys berińizder. Men óz tarapymnan barynsha qoldaý jasaımyn. Eń bastysy jumys júıeli ári tııanaqty júrýi tıis» dep atap ótti.   

Aıta ketsek, Sharıǵat jáne pátýa bólimi 2020 jyldyń tamyz aıynda 4313 suraqqa jaýap bergen. Onyń ishinde eń kóp ınternet jelisi arqyly (poshta, ýatsap, telegramm) saýal qoıǵan. Olardyń sany – 1881 adam.  

Al Dinı ońaltý bólimi destrýktıvti aǵym ókilderimen tórt baǵytta (jeke suhbat, jalpy profılaktıkalyq sharalar, túzeý mekemesindegi azamattarmen jeke kezdesý, túzeý mekemesindegi azamattarmen jalpy profılaktıkalyq is-sharalar) jumys isteıdi. 2020 jyldyń birinshi jartysynda Dinı ońaltý bóliminiń uıymdastyrýymen elimizdiń barlyq óńirinde 1678 jeke kezdesý ótti.

Jınalys sońynda Bas múftı bólim meńgerýshilerine naqty tapsyrmalar berdi.