Japonııa musylmandarynyń sany eki esege artqan

VasEda ýnıversıtetiniń qyzmetkeri Tanada Hırofýmı óziniń uzaq ýaqyt boıy júrgizgen zertteýleriniń nátıjesinde sońǵy 10 jyl ishinde Japonııa musylmandarynyń sany eki esege artqanyn málimdep otyr.

Ǵalymnyń aıtýynsha, 2010 jylǵy sanaq kezinde Japonııadaǵy musylmandar sany 110 000 jandy qurasa, 2019 jyldyń sońǵy málimetine sáıkes 230 000 adamnyń Islam dinin ustanatyny anyqtalǵan.

Musylmandyq qabyldaǵan adamdar sanynyń artýymen qosa, sońǵy on jyl ishinde Japonııadaǵy meshitter qurylysy, qulshylyq oryndary jáne halal tamaqtaný ortalyqtarynyń da sany aıtarlyqtaı ósken. Musylmandar assotsıatsııasynyń basshysy Mýhammad Tahır Abbas Hannyń aıtýynsha, qazirgi tańda Japonııa aýmaǵynda 110 meshit jumys jasaıdy.

Degenmen, qazirgi tańda Japonııa musylmandary úshin qulshylyq jasaıtyn oryn tabý emes, musylmandardy jerleıtin jer tabý máselege aınalyp otyrǵan kórinedi. Belgili bolǵandaı, japondyqtardyń 99% paıyzy kremınatsııa rásimin tańdaıtyndyqtan, jerleý rásimi kóp qıyndyq týdyratyny sózsiz.