Jastar isi sektory 4 aıda 3839 is-shara ótkizdi (FOTO)

20 mamyr 2022 2667 0
Оqý rejımi

Qazaqstan musylmandary dinı basqarmasynyń Ýaǵyz-nasıhat bólimine qarasty Jastar isi sektory 2022 jyldyń alǵashqy tórt aıynda 3 839 is-shara atqaryp, oǵan 73 085 adam qamtyldy.

Jastar isi sektorynyń meńgerýshisi Ádilet Rahymulynyń aıtýynsha, negizgi tórt baǵyt, atap aıtqanda, nasıhat baǵyty boıynsha 1281, saýattylyq baǵyty boıynsha 1084, qoǵamdyq baǵyt boıynsha 900 is-shara jáne 574 sport jarystary uıymdastyrylǵan.

Aldymen jyl basynda sektor jaýaptylarymen onlaın/offlaın kezdesý ótip, 2022 jylǵa arnalǵan jumys jospary talqylandy. Qys aılarynda «Jumyla kótergen júk jeńil» degen uranmen muqtaj otbasylarǵa qaıyrymdylyq kórsetildi, «Jalyndy jastar, jumylaıyq!» atty jastardyń ár túrli formattaǵy kezdesýleri uıymdastyryldy, «Taza álem» aktsııasy aıasynda meshitter janynda, kóshelerde, saıabaqtarda, demalys oryndarynda tazalyq jumystary júrgizildi.

Naýryz aıynda elordada Jastar isi sektorynyń uıymdastyrýymen «Islam – yntymaq pen birlik dini» jyly aıasynda «Jalyndy jastar yntymaǵy» respýblıkalyq jastar forýmy jáne aýqymdy is-shara aıasynda semınar-trenıng uıymdastyryldy.

Sondaı-aq «Kemel kezdesý» aılyq dastarqany uıymdastyrylyp, jastarǵa «Kúshimiz birlikte», «Yrys aldy – yntymaq», «Din men dástúr», «Ramazan – keshirim aıy» taqyrybynda nasıhat júrgizilse, «Ihsan – rýhanı tárbıe negizi» kitabynyń 1-taraýy boıynsha, «Nápsi tárbıesi»«Rýh tazalyǵy», «Til tazalyǵy», «Ómirdiń qadiri»«Adamdardyń aqysy» taqyrybynda jastarǵa dáris ótkizildi. Odan bólek túrli formatta sporttyq is-sharalar uıymdastyryldy.

 

Pіkіrler Kіrý