Jastar kúnine oraı onlaın semınar-trenıng ótedi

Qazaqstan musylmandary dinı basqarmasynyń Jastar isi sektory 11 tamyz kúni «Jastyq shaqtaǵy kemeldilik» atty onlaın formatta respýblıkalyq jastar semınar-trenıngin ótkizedi.

Semınar maqsaty – Jastardyń ishki potentsıal men shyǵarmashylyq qabiletterin arttyrý jáne ózin-ózi damytýǵa alǵysharttar berý.

Halyqaralyq jastar kúnine oraı ótetin semınarda jastardyń arasynda tanymal din, sport, psıhologııa jáne tulǵalyq damý salasy boıynsha kásibı mamandar, atap aıtqanda, QMDB Tóraǵasynyń orynbasary, naıb múftı Ershat qajy Aǵybaıuly, Jastar isi sektorynyń meńgerýshisi Ádilet Rahymuly, abaıtanýshy «Tolyq adam jáne 4 damý» jobasynyń avtory Ernat Melsuly, Nur-Múbárak Egıpet ıslam mádenıeti ýnıversıtetiniń oqytýshysy, PhD doktorant, ıslamtanýshy Ábilqaıyr Mádıuly, «Qsport» jobasynyń jetekshisi, sport jattyqtyrýshy Jandos Abýmýtalıfuly men psıhologııa ǵylymdarynyń magıstranty, jas psıholog Aqtorǵyn Danııarqyzy dáris oqıdy.

Semınar-trenıng 200-ge jýyq adamnyń qatysýymen ZOOM platformasynda 11 tamyz saǵat 11:00-de bastalady. Sonymen birge MÝFTIIaT QMDB Youtube kanalynda tikeleı Efırden kórsetiledi. Kórermender dáriskerlerge tikeleı Efır kezinde taqyrypqa baılanysty suraqtaryn joldaı alady. Dáriskerler múmkindiginshe saýaldarǵa jaýap beredi.