Jerimiz jaýdan, elimiz daýdan aman bolǵaı!
Qadirli otandastar!
Barshańyzdy Otan qorǵaýshylar kúni merekesimen shyn júrekten quttyqtaımyn! Denge saýlyq, ár otbasyǵa amandyq pen bereke tileımin.
Islam dini tek qulshylyqpenólshenbeıdi. Musylmanǵa Otanyn, otbasyn, ar-namysyn, mal-múlkin qorǵaý – mindet. Ardaqty Paıǵambarymyz Muhammed (oǵan Allanyń salaýaty men sálemi bolsyn) Otanyn qorǵap, shekara kúzetken jannyń Alla aldynda dárejesi artatynyn baıandaǵan.
Hadısterdiń birinde: «Eki kóz aqyrette tozaqqa kúımeıdi: birinshisi, kúnásyna ókinish bildirip, ońashada egilip jylaǵan kóz, ekinshisi, Otandy qorǵap, shekara kúzetken kóz» delingen.
Birde súıikti Paıǵambarymyzdan (oǵan Allanyń salaýaty men sálemi bolsyn) «Eń abzal amal qandaı?» dep suralady.Sonda Alla Elshisi(oǵan Allanyń salaýaty men sálemi bolsyn): «Shekarany, Otandy qorǵaý úshin bir kún, bir tún kúzette turý – bir aı nápil oraza ustap, túnde namaz oqýdan qaıyrly» dep jaýap beredi.
Halqymyzdyń kórnekti aqyny Muqaǵalı Maqataevtyń: «Ońaı sóz ǵoı «Otandy súıem» degen,
Ne tyndyrdyń «basymdy ıemmenen?» degen óleńi kóp oı tastaıdy. «Otan úshin kúres – erge tıgen úles» degen naqyl bar. Búgingi beıbit zamanda Otan úshin kúres halyqqa qaltqysyz qyzmet etý, bilim alyp, ony el ıgiligine sarp etý, urpaqty ulaǵatty iske tárbıeleý, aǵaıyn-týys, kórshi-qolań, dos-jaranǵa qaraılasyp, qaıyrymdylyq jasaý, t.b. izgi istermen ólshenbek.
Óskeleń urpaqty otanshyl bolýǵa tárbıeleýmen qatar, olarǵa áskerı boryshty óteýdiń mánin túsindirý – asa mańyzy is dep atar edim. Óıtkeni, Otan qorǵaýshylar kúni – árbir er azamattyń patrıottyq sezimin oıatatyn, Otandy qorǵaý jaýapkershiligin arttyratyn mańyzdy mereke.
Ár shańyraqqa shattyq pen bereke, áskerı saladaǵy ulandarymyzǵa myqty jiger, kúsh-qaırat tileımin. El erteńin oılaıtyn jastarymyzǵa Jaratqan jar bolǵaı.
Alla Taǵala jerimizdi jaýdan, elimizdi daýdan aman etkeı! Ámın!
Naýryzbaı qajy TAǴANULY
Qazaqstan musylmandary dinı
basqarmasynyń tóraǵasy, Bas múftı
