«JUMA ÝAǴYZY IV» KITABYNYŃ TANYSTYRYLYMY ÓTTI

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń tóraǵalyǵymen 2024 jyldy qorytyndylaýǵa arnalǵan Tóralqa májilisinde «Muftiyat» baspasynan shyqqan «Juma ýaǵyzy IV» eńbeginiń tanystyrylymy ótti.

Jınaqqa 2023 jyly elimiz boıynsha barlyq meshitterde juma ýaǵyzynda aıtylǵan taqyryptar engizilgen. Árbir taqyryp qasıetti Quran aıattaryna, ardaqty Paıǵambarymyzdyń (oǵan Allanyń salaýaty men sálemi bolsyn) hadısterine, sondaı-aq din ǵalymdarynyń tárbıelik ósıetteri men aqyn-jyraýlarymyzdyń óleńderine, sondaı-aq halqymyzdyń maqal-mátelderine, tulǵalarymyzdyń danalyq oı-tujyrymdaryna negizdelgen.

Jınaqqa engizilgen árbir taqyryp musylman qaýymyna qajetti qundy málimettermen qamtylǵan. Sonymen qatar árbir taqyryp jeńil ádispen jazylǵan. Atalǵan eńbek ımandylyqty janyna joldas etken árbir adamǵa ómirlik nasıhat bolmaq.

​