Jyldyq esep-2021: bir jylda 534 azamat dinı ońaldy
Destrýktıvti dinı aǵymdar ıdeologııalarynyń taralýyna qarsy jalpy profılaktıkalyq is-sharalar aıasynda 9 054 676 adamdy qamtyǵan 10 782 is-shara uıymdastyryldy. Bul týraly elordada ótken QMDB Tóralqa májilisinde Dinı ońaltý bóliminiń meńgerýshisi Hasan Amanqul baıandady.
«Múftııattyń dinı ońaltý baǵytyndaǵy qyzmetkerleri 5 273 adammen 5 973 jeke yqpal etý aktsııasyn (jeke kezdesýler) ótkizgen. Atalǵan aktsııalar nátıjesinde 219 tulǵa hanafı mázhabyna ótti jáne arnaıy mamandarmen birlesip qorytyndy shyǵarýy barysynda 414 tulǵa ońaldy.
QR IIM QAJK túzetý mekemelerinde 2193 adamdy qamtyǵan 2756 jeke yqpal etý aktsııasy uıymdastyryldy. Atqarylǵan aktsııalar nátıjesinde 114 jazasyn óteýshi azamat dástúrli Hanafı mazhabyna ótti, sondaı-aq, jazasyn óteýshi 120 azamat ońaldy, ıaǵnı olarǵa dinı ońaltý baǵytyna ókiletti memlekettik organdardyń mamandarymen birlesip «qazaqstandyq qoǵamdyq qundylyqtarǵa beıimdelip, hanafı mázhabyn qaıta ustanyp, destrýktıvti dinı aǵym ıdeologııasynan bas tartty» degen qorytyndy shyǵaryldy» dep atap ótti Hasan Amanqul.
