JYLDYQ ESEP-2022: DINI BASQARMA SAITTARYNA 28 983 KONTENT JARIIaLANDY
Qazaqstan musylmandary dinı basqarmasynyń ınternet-resýrstaryna 2022 jyly 28 983 kontent jarııalandy. Bul týraly QMDB Aqparat bóliminiń meńgerýshisi Aǵabek Qonarbaıuly habarlady.
«Dinı basqarmanyń www.muftyat.kz resmı saıtyna 2551 materıal salyndy. Naqtyraq aıtatyn bolsaq, 2209 jańalyq, 120 maqala, 52 suraq-jaýap, 170 vıdeo kontent jarııalandy. Al ókildikterge qarasty saıttarda 26 432 materıal jaryq kórgen. Múftııattyń resmı saıtyn 2022 jyldyń 1 qańtary men 31 jeltoqsan aralyǵynda 3 486 761 adam qarady. Táýligine turaqty 11-13 myń oqyrman, Ramazan men Máýlit aılary, Qurban aıt, Oraza aıt merekelerinde táýligine 35000, eń kóbi 127 000 adam saıtty qaraǵan» dedi bólim meńgerýshisi.
Búgingi tańda Dinı basqarma men ókildikterge qarasty 872 áleýmettik jeli paraqshasy jumys istep tur. Olarǵa 2022 jyly jalpy sany túrli formattaǵy 150 myńǵa jýyq kontent jarııalandy. Sondaı-aq BAQ ókilderiniń tól merekesi qarsańynda «Islam – yntymaq pen birlik dini» jyly aıasynda «Izgilik jarshysy» taqyrybyndaǵy múftııat jýrnalısteriniń respýblıkalyq medıaforýmy ótip, Qazaqstan musylmandary dinı basqarmasy janynan Bas redaktorlar alqasy quryldy. Budan bólek Elordada «Munara FM» ınternet radıosy, «Munara TV» telearnasynyń ortalyq stýdııasy iske qosyldy.
