JYLDYQ ESEP-2024: DINI BASQARMA SAITTARYNA 27 MYŃ KONTENT JARIIaLANDY

Qazaqstan musylmandary dinı basqarmasynyń ınternet-resýrstaryna 2024 jyly 27 084 kontent jarııalandy. Bul týraly QMDB Aqparat bóliminiń meńgerýshisi Aǵabek Qonarbaıuly habarlady.

«2024 jyldyń 1 qańtarynan bastap muftyat.kz resmı saıtyna 1 646 jańalyq, 128 maqala, 18 pátýa men 56 suraq-jaýap, 60 vıdeo jarııalandy. Búgingi tańda Qazaqstan musylmandary dinı basqarmasynyń resmı aqparattaryn nasıhattaıtyn jáne bólim jumystaryna arnalǵan 30 saıt jumys isteıdi. Saıttardyń 2024 jylǵy qaralym sany 42 mıllıonǵa jetti. Ókildikterge qarasty saıttarda 26 407 materıal jaryq kórgen. Múftııattyń resmı saıtyn 2024 jyldyń 1 qańtary men 31 jeltoqsan aralyǵynda 5 mıllıon adam qarady. Táýligine turaqty 15-18 myń oqyrman, Ramazan men Máýlit aılary, Qurban aıt, Oraza aıt merekelerinde táýligine 35000, eń kóbi 113 827 qoldanýshy saıtty qaraǵan» dedi bólim meńgerýshisi.

Bólim mamandary Bas múftı Naýryzbaı qajy Taǵanulynyń suhbattaryn ártúrli BAQ alańynda uıymdastyryp, halyqaralyq jáne respýblıkalyq telearnalarda, gazet-jýrnaldar men portaldarda jaryq kórýine atsalysty. Qasıetti Ramazan aıy jáne musylmannyń úmmetiniń ulyq merekesi Qurban aıt qarsańynda baspasóz brıfıngin uıymdastyrdy. 1000-nan astam foto-banner ázirlenip, áleýmettik jelilerge taratyldy.

​