JYLDYQ ESEP-2024: «DINI OŃALTÝ BOIYNShA 10 854 YQPAL ETÝ AKTsIIaSY JASALDY
Múftııattyń dinı ońaltýǵa jaýapty mamandary 2024 jyly 10 854 jeke yqpal etý aktsııasyn (jeke kezdesýlerdi) júzege asyrdy.
Dinı ońaltý bóliminiń meńgerýshisi Danııar Kenjalınniń aıtýynsha, QMDB qyzmetkerleri ókildikter tarapynan, sondaı-aq teolog retinde ońaltý ortalyqtary tarapynan 4101 adamdy ońaltý jumysymen qamtydy.
«Jyl basynda Atyraý qalasynda «Islam Ekstremızmge qarsy» halyqaralyq konferentsııa ótti. Konferentsııada QMDB tóraǵasy, Bas múftı Naýryzbaı qajy Taǵanuly, otandyq jáne sheteldik sarapshylar baıandama jasady. Konferentsııada elimiz úshin jat túrli aǵymdar men toptardyń teris pıǵyldary men dinı turaqtylyqqa keltirer zııany jetkizildi.
Qazaqstan Respýblıkasy Ishki ister mınıstrliginiń Qylmystyq-atqarý júıesi komıtetine qarasty 50 mekemede júıeli jumys qolǵa alynyp, dindi ustanýshy sottalǵan azamattarmen aldyn-alý jáne ońaltý jumystary júzege asyryldy. Mekemelerge «MUFTIYAT» baspasynan shyqqan 1400 danadan asa jańa ádebıetter jetkizildi» deıdi Danııar Aıtbaıuly.
Sondaı-aq «Munara» gazetiniń «Shyrmaýyq» aıdarynda jat dinı aǵym jáne jamaǵattardyń ıdeologııalaryna qarsy 20-ǵa jýyq maqala jarııalansa, muftyat.kz saıtyndaǵy «Dinı senim» aıdarynda 10 maqala jaryq kórdi.
