Zırattardy tazalaý sharasyna daıyndyq pysyqtaldy
29 sáýir kúni QMDB «QAMQOR-SHARAPAT» salttyq qyzmet ortalyǵynyń uıymdastyrýymen ótetin zırattardy tazalaý is-sharasyna daıyndyq jumystaryn pysyqtaý úshin onlaın jıyn ótti.
QMDB Tóraǵasynyń orynbasary, naıb múftı Kenjeáli Qońyratbaıulynyń jetekshiligimen ótken jıynǵa «Ýaqyp» qory basqarma tóraǵasynyń orynbasary Máýlet Turǵambekov, «QAMQOR-SHARAPAT» ortalyǵynyń dırektory Meırambek Qabylbekuly jáne ortalyqtyń barlyq oblystardaǵy fılıal dırektorlary qatysty.
Jaýapty mamandar óńirdegi atqarylyp jatqan jumystary týraly baıandady. Jıyn sońynda Kenjeáli Qońyratbaıuly saýapty iske atsalysý kerektigi týraly aqyl keńesin aıtyp, tájirıbesin bólisti.
Sondaı-aq ortalyq dırektory Meırambek Qabylbekulynyń jetekshiligimen Respýblıkalyq bas meshitte osy is-sharaǵa jaýapty elordalyq ımamdardyń jıyny ótti. Basqosýda zırattardy tazalaý is-sharasyna qatysty sońǵy daıyndyq jumystary egjeı-tegjeıli pysyqtaldy.
