Adamǵa jyn tıgenin qalaı bilýge bolady?

Assalamý aleıkým!
Adamǵa jyn tıgenin qalaı bilýge bolady? Onyń qandaı belgileri bar?

Ответ

Ýa aleıkým assalam!
Jyndar – oıdan shyǵarylǵan qııal emes. Adam sııaqty olarǵa da qulshylyq paryz etilgen jaratylys. Jyndar da ishinara jaqsy jáne jamanǵa bólinedi. Ejelde jynnan qorqyp, olar jaıly shyndyqqa janaspaıtyn túrli ápsana-ertegiler shyǵarylǵan. Quran Kárimde: «Adamdardyń ishindegi keıbir kisiler jyndardyń ishindegi keıbir erkek jyndardan pana surap, olardyń menmensip, basynýlaryn arttyratyn edi[1]»,-degen aıat bar. Onyń mánisi, araptar jazyq dalaǵa kelip, túnemek bolady da, sol mańaıdaǵy jyndardyń úlkeninen pana suraıdy. Esirgen jyndar olardy aqyldan adastyrady. Iá, jyn adamǵa zııan tıgizýi múmkin.

Jyndar kóbinese, las jáne taza emes oryndarda, aıdala men shól dalada júredi. Kún batqanda jer betine tarala bastaıdy. Alla Taǵala qalaýymen, olardan qorǵaný úshin paıǵambarymyz (s.ǵ.s.) úıretken tańǵy jáne keshki súnnet duǵalardy oqyp júrý qajet. Quran Kárimde: «Anyǵynda, Meniń quldaryma olardyń ústinen sende bılik joq. Tek adasqandardan jáne saǵan ergenderge ǵana (bılik bar),-dedi[2]»,-dep ámir etilgendeı, shaıtan Alla Taǵalany zikir etip jáne qulshylyq jasap júrgen adamǵa jaqyndaı almaıdy.

Quran Kárimde: «Aqıqatynda, onyń (shaıtannyń) bıligi ony ózine dos, qamqorshy tutatyndarǵa jáne onymen serik qosatyndarǵa ǵana júredi[3]»,-degendeı jyn ózin mazalaǵan adamǵa jamandyq etedi. Máselen, kirdiń sýyn nemese ystyq sýdy esik aldyna nemese kóshege tóge salý, aıdalada uıyqtap qalý, kúl-qoqysty basý, elsiz jerde túndeletip júrý, maldyń súıegin tebý, únemi kúná jasap júrý jáne sıqyrlanyp qalý sııaqty sebeptermen jyn tııýi múmkin. Qazaqtyń «kúl baspa», «kirdiń sýyn jolǵa tókpe», «túnde júrgende «bısmılla» aıtyp júr», «shoshynyp qalsań «bısmılla» de» degen sııaqty sózder aıtýynyń syry da osynda jatyr.

Jynnyń adamǵa tıetin joly kóp. Onyń arnaıy belgileri de joq. Ár qıly jáne túrli sebepter bolýy yqtımal. Biraq, tájirıbe kórsetkendeı kóbinese tómendegideı belgilerinen baıqalady:
1. Eshbir sebepsiz únemi bas aýrý;
2. Aıaq-qoldyń uıyǵanyn seziný;
3. Alla Taǵalany zikir etkende, Quran oqyǵanda ishteı qarsylyq seziný;
4. Qurandy tyńdaǵanda bas aýrýyn seziný nemese dene-múshe eriksiz qımyldaı bastaýy;
5. Jynnyń naýqas tilimen sóıleı bastaýy;
6. Beımaza túster kórý jáne uıqyda beıne bir qulap bara jatqandaı seziný.

[1] Jyn súresi, 6-aıat
[2] Hıjr súresi, 42-aıat
[3] Nahl súresi, 100-aıat

Rýslan Kambarov