Tumar taǵý Allaǵa serik qosý ma?

23 aqpan 2021 620 0
Оqý rejımi

Assalamý aleıkým! Qurmetti saıt ujymy! Atqaryp jatqan jumystaryńyzǵa berekeli bolǵaı! Sizderden suraıyn degenim, sharıǵatta tumar taǵý jaıly ne aıtylǵan? 


Ответ

Ýa aleıkým assalam!

Birqatar sahabalar: Ibn Masǵud, Ibn Abbas (r.a.) tumar taǵýdy quptamaǵan. Al, Abdýlla bın Amr, Aısha (r.a.) rıýaıat etken hadıste tumar taǵýǵa ruqsat bar.

Tırmızı eńbegine jasalǵan túsindirme kitapta: «Ǵalymdardyń basym kópshiligi keıbir ǵulamalar ruqsat bergenimen, tumar taqpaǵan abzal. Sebebi, taqýalyqtyń birneshe dárejesi bar. Yqylastyń da sonsha mártebesi bar. Dinde ár dárejeniń ústinde taǵy bir dáreje turady. Al, oǵan qol jetkizgisi keletinder az. Taqýa adam – oqasy joq nárseni bir zalaly bolýynan saqtanyp tárk etýshi[1]», – delingen.

Al, Amr bın Shuǵaıyb (r.a.) rıýaıat etken hadıste: «Alla Elshisi (s.ǵ.s.) sahabalarǵa qorqynyshta myna sózderdi aıtýdy úıretken edi: «Áýzý bı kálımatılláhı áttámma mın ǵadabıhı ýá shárrı ıbádıh. Ýá mın hámázatısh shaıatyn ýá án ıahdýrýn». Abdýlla bın Amr bul sózderdi es bilip qalǵan balalaryna úıretip jattatatyn. Al, áli es bilmegen balalaryna tumar etip taǵyp qoıatyn[2]», – delingen.

Túıindeı aıtqanda, jas balaǵa tumar taǵýǵa bolady. Al, jattaýǵa shamasy keletin jastan bastap Quran aıattary men hadıstegi duǵalardy oqyp júrgen durys. 

 


[1] Týhfat Ahýazı
[2] Ábý Daýd

 

Rýslan Kambarov

Pіkіrler Kіrý