Ekintiden buryn oqylatyn súnnet namazynyń artyqshylyǵy qandaı?
Ekintiden buryn oqylatyn súnnet namazynyń artyqshylyǵy qandaı?
Ответ
Bes ýaqyt paryz jáne bekitilgen súnnet namazdarynan tys nápil namazdary bar. Sonyń biri ekinti namazynyń buryn oqylatyn nápil namazy. Bul namazdyń artyqshylyǵy jóninde Alla elshisi (oǵan Allanyń salaýaty men sálemi bolsyn) bylaı degen:
رحم الله إمرأ صلى قبل العصر أربعا
«Ekintiden buryn tórt rakaǵat oqyǵan pendeni, Alla meırimine bólesin!»[1].
من صلى قبل العصر أربعا حرمه الله على النار
«Kimde kim Ekintiden aldyn tórt rakaǵat oqysa, Alla ony tozaq otyna haram etedi»[2].
Sondaı-aq Paıǵambarymyz (oǵan Allanyń salaýaty men sálemi bolsyn) bul namazdy tórt nemese eki rakaǵat oqyǵandyǵy týraly derekter kelgen[3].
Joǵarydaǵy hadısterdi negizge ala otyryp Hanafı mázhabynyń ǵulamalary ekintiden buryn nápil namazyn oqý mýstahab degen[4]. Bul namazdy eki nemese tórt rakaǵat etip oqýǵa da bolady[5].
Imam Tahtaýı mýstahab termıniń bylaı dep túsindiredi: ««Mýstahab», «mandýb», «mýraǵǵab fıhı», «hasan» barlyǵy bir maǵynany bildiretin sózder (sınonıým). Iaǵnı, dinimiz mindet etpese de, alaıda atqarylýy unamdy is bolyp tabylatyn am aldy mýstahab dep ataımyz»[6].
Qorytyndylaı kele, ekinti namazynan aldyn eki nemese tórt rakaǵat oqý – mýstahab. Bul namazdy oqyǵan adam Paıǵambarymyzdyń (oǵan Allanyń salaýaty me sálemi bolsyn) hadısinde aıtylǵandaı Allanyń meıirimine bólenedi.
[1] Tırmızı, №1271.
[2] Tabaranı jetkizgen hadıs.
[3] Ábý Dáýit rıýaıat etken.
[4] Qudýrı, 131.
[5] Hashııatý ıbn Abıdın, 1/452.
[6] Hashııatý Tahtaýı alıa Maroqıl-Falıah, 1/530.
Автор: Дарханұлы Тамирлан / «Әзірет-Сұлтан мешітінің наиб имамы
