Júktilik ómirime qater tóndirse, ne isteýim kerek?

Assalamý aleıkým! Men júktimin. Qursaǵymda alty aılyq balam bar. Kezekti medıtsınalyq teskerý barysynda dárigerler júktilik meniń ómirime qater tóndirip turǵanyn, jaqyn arada abort jasaý kerektigin aıtty. Áıtpegen jaǵdaıda, men júktiliktiń sońyna deıin nemese balany bosatý kezinde kóz jumatynymdy eskertti. Men ne isteýim kerek?

Ответ

Ýa aleıkým assalam!

Barlyq fıqh ǵalymdary biraýyzdan qursaqtaǵy bala 120 (4 aı) kúnge jetse, túsik jasaýǵa qatań tyıym salǵan. 120 kún – qursaqtaǵy sharanaǵa jan kiretin merzim. Mundaı jaǵdaıda abort jasatý qatań túrde tyıym salynady. Sebebi, bul adamdy jazyqsyz óltirý bop tabylady. Quran Kárimde: «... kedeılikten qorqyp, balalaryńdy óltirmeńder. Senderge de, olarǵa da Biz rızyq beremiz[1]» jáne «Ári zańdy túrde bolmasa, Alla tyıym salǵan jandy óltirmeńder...[2]», – dep baıandalǵan.

Al, qursaqtaǵy 120 kúnge jetpegen sharanany túsik jasatý úkiminde fıqh ǵalymdary eki túrli pátýa aıtady. Malıkı mázhaby – túbegeıli haram dese, Shafıǵı mázhaby mákrýh dep tujyrymdaıdy. Al, barlyq ǵalymdar biraýyzdan maquldaǵan pátýa: «Sharanaǵa jan bitse de, bitpese de sharıǵı zárýlik jaǵdaıynan basqa kezde túsik jasatý – haram. Sharıǵı zárýlik: asa tájirıbeli dárigerler keńesi boıynsha sharananyń qursaqta qalýy ananyń densaýlyǵyna kúrdeli zııan tıgizedi nemese ómirine qaýip tóndiredi dep sheshim qabyldasa, sharananyń ómirinen ananyń densaýlyǵy men ómiri mańyzdy bolǵandyqtan túsik jasalady[3]».   

[1] «Ánǵam» súresi, 151-aıat
[2] «Isra» súresi, 33-aıat
[3] Islam Álemi qaýymdastyǵy janyndaǵy Islam Fıqh akademııasy, www.dar-alifta.org