Oramalsyz qyzdyń oraza-namazy qabyl bola ma?
Assalamý aleıkým! Allaǵa shúkir, men namazymdy oqımyn jáne orazamdy ustaımyn. Alaıda, áli hıjabqa kirmedim. Meniń oqyǵan namazym men orazam qabyl bola ma
Ответ
Ýa aleıkým assalam!
Musylman qyz-kelinshektiń basyna oramal salyp, uzyn kıinýin Alla Taǵala: «Áı Paıǵambar! Jubaılaryńa, qyzdaryńa jáne múmin áıelderge aıt: Ústerine búrkenshikterin oransyn. Bul, olardyń tanylýlaryna, sondaı-aq keıitilmeýlerine jaqynyraq. Alla (T.) asa jarylqaýshy, tym meıirimdi[1]»,-dep ámir etken. Jáne bóten er kisiler kózinshe oramalsyz júrýge qatań tyıym salyp: «Múmin áıelderge de aıt: (bógde erlerden) kózderin saqtasyn. Ári uıatty jerlerin (zınadan) qorǵasyn. Sondaı-aq zeınetterin kórsetpesin. Biraq olardyń ózindiginen kóringenderi basqa (beti, qol-aıaqtary). Jáne búrkenshikterin omyraýlaryna túsirsin. Zeınetterin kersetpesin...[2]»,-dep buıyrǵan. Osy aıattar negizinde musylman áıeldiń kıimine qoıylatyn talaptar:
1. Kıimniń uzyndyǵy. Bet-júzi men qos alaqany jáne aıaǵy tobyqtan tómen jerinen basqa tula boıyn kóılegi (kıimi) jaýyp turýy;
2. Kıimniń keńdigi. Kóılek dene pishimin aıqyndap turatyndaı tar bolmaýy;
3. Kıim matasynyń sapasy. Kıimi (kóılegi) dene terisi kórinip turatyndaı juqa bolmaýy;
Al, sharıǵat paryzdaryna kelsek, qulshylyqtardyń biri ekinshisiniń ornyn baspaıdy. Máselen, namaz oqyǵan adam orazadan bosatylmaıdy. Sol sııaqty, namaz oqyp jáne oraza tutqan áıel oramalsyz júrýine ruqsat etilmeıdi.
Negizgi saýalǵa kelsek, namaz ben orazanyń qabyl bolýy tek Alla Taǵalaǵa baılanysty. Degenmen, musylman tipti kúná jasap qoısa da Alla Taǵala meıirimdi de, keshirimdi degen jaqsy oıda bolýǵa mindetti. Sebebi, Quran Kárimde: «...Shynynda jaqsylyqtar, jamandyqtardy joıady...[3]»,-dep aıtylǵandaı namaz jáne oraza sııaqty ǵıbadattarmen jaman amaldar joıylady. Biraq, kerisinshe emes.
Ramazan – jaqsylyqtar bastamasynyń aıy. Eshýaqytta, qate-kúnálar úshin táýbe etip, ómirdiń jańa paraqshasyn ashý kesh emes. Sonymen birge, qulshylyqtyń qabyl bolýynyń belgisiniń biri, sol amaldyń adamdy jaqsylyqqa jeteleýi. Al, Alla Taǵalanyń ámirine boıusynyp, oramal taǵyp uzyn kıiný eń úlken jaqsylyqtardyń biri.
