Jetisin, qyrqyn, jylyn ótkizý sharıǵatta bar ma?
Assalaýmaǵaleıkýı! Adam qaıtys bolǵannan keıin jetisin, qyrqyn jáne jylyn berý sharıǵatta bar nárse me? Dinı kitaptardan kezdestirmedim. Ony ótkizý sharıǵatqa qaıshy emes pe?
Ответ
As berý sharıǵatymyzdyń mindetti túrde atqarylýy tıis paryz amaldaryna jatpaıdy. Iaǵnı, jasalmaǵan jaǵdaıda eshbir adam kúnáhar bolmaıdy. Biraq jalpy alǵanda jurtqa tamaq taratýdyń saýapty is ekenin hadısterden jáne keıbir Quran aıattarynan baıqaımyz. Sondyqtan, jetisi, qyrqy, jyly dep naqty kúnderdi sanap jatpaı-aq, kez kelgen kúni saýabyn qaıtys bolǵan kisige baǵyshtap joq-jitikterge, muqtaj jandarǵa tamaq taratyp, as berý abzal. Al muqtaj jandar qataryna jatpasa da týǵan-týys, jora-joldastaryn jınap as berýge de sharıǵat qarsy emes.
Jetisi, qyrqy jáne jyly sharıǵatta belgilenbegendikten ony tek rámizdik ataý retinde ǵana oryndasa bolady. Sondaı-aq, «jetisinde máıit isinedi, qyrqynda búıtedi, al elý ekinshi kúni eti men súıegi ajyraǵanda máıit qatty qınalady. Sondyqtan as berip, duǵa jasaý kerek eken» degen taıaz túsinikterdiń ıslamda eshbir negizi joq.
Dinimizde mindetti túrde qaryzdanyp nemese ózińe qajetti qarjyńdy jumsap óli atynan úlken mal soıyp, sadaqa ber degen úkim joq. As ysyrapqa jol berilmesten atqarylýy tıis.
