Ramazanda shaıtandar kisendelse, nege jamandyq toqtamaıdy?

«Ramazanda shaıtandar baılanady» degen hadıs bar eken. Onda nelikten oraza aıynda adamdar jaman isinen tyıylmaıdy?

Ответ

Bul hadıs ımam Buharı jáne Múslım eńbekterinde sahaba Ábý Hýraıradan (Alla oǵan razy bolsyn) rıýaıat etilgen. Hadıstiń mátini: «Ramazan aıy kelse, jánnat qaqpalary ashylyp, tozaq qaqpalary jabylady jáne shaıtandar shynjyrlanady». Ramazan – Quran túsken aı. Bul aıdy Alla Taǵala oraza paryzymen erekshelegen. Sonymen birge, ramazan – jaqsylyq pen qaıyrymdylyq aıy. Ramazannyń qurmetine aspan (meıirim) qaqpalary ashylady. Sondaı-aq, shaıtandar shynjyrlanady. Bul – adam úshin úlken eskertý. Azǵyrýshy shaıtan kisendelgen ýaqytta adam oraza tutpaǵanyna jáne qulshylyq jasamaǵanyna eshbir syltaý aıta almaıdy. Demek, shaıtan shyrmaýda tursa da, adamnyń nápsisi azǵyrýy múmkin. Olaı bolsa, oraza – nápsimen kúresý jáne ony tárbıeleý aıy.