NAMAZDYŃ PARYZ AMAL EKENIN BILE TURA OQYMAÝ QANShALYQTY ÚLKEN KÚNÁ?
Suraq: Namazdyń paryz amal ekenin bile týra oqymaý qanshalyqty úlken kúná?
Ответ
Namaz, minájat – dinnniń eń basty belgisi, eń basty rámizi. Islam dininde ol pende men Rabynyń arasyndaǵy turaqty baılanys. Sol arqyly pende Rabbysyna úırenisedi, kúná-kemshilikterinen tazarady, týralyqpen ómir súrý salty da nyǵaıa túsedi jáne sol namaz arqyly áýeıiliktiń azǵyrýy men nápsiniń qyspaǵynan saqtanady. Namaz paıǵambarlar men áýlıe-ánbıeler úshin, barlyq izgi pendeler úshin eń basty baılyq, dúnıedegi eń súıikti is.
عَنْ أَنَسِ رَضِيَ اللهُ عَنْهُ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ: »حُبِّبَ إِلَيَّ مِنَ الدُّنْيَا النِّسَاءُ وَالطِّيبُ وَجُعِلَ قُرَّةُ عَيْنِي فِي الصَّلاَةِ«. رَوَاهُ النَّسَائِيُّ.
Ánes ıbn Málikten (r.a.) jetken rıýaıatta Allanyń elshisi (s.a.s.) bylaı deıdi: «Senderdiń dúnıelerińnen maǵan úsh nárse súıkimdi boldy: hosh ıister, áıelder jáne namaz kózimniń qarasyndaı boldy». Násáı rıýaıat etken.
Qudaı Taǵala Qurannyń kóptegen aıattarynda «Namaz oqyńdar» dep buıyrǵan. Sondaı aıattardyń birazy tómende berildi. Alla Taǵala bylaı deıdi:
﴿وَأَقِيمُواْ الصَّلاَةَ وَآتُواْ الزَّكَاةَ وَارْكَعُواْ مَعَ الرَّاكِعِينَ﴾
«Namaz oqyńdar, zeket berińder jáne eńkeıýshilermen birge eńkeıińder» (Baqara, 43).
﴿فَأَقِيمُوا الصَّلَاةَ وَآتُوا الزَّكَاةَ وَاعْتَصِمُوا بِاللَّهِ هُوَ مَوْلَاكُمْ فَنِعْمَ الْمَوْلَى وَنِعْمَ النَّصِيرُ﴾
«Namazdy tolyq oryndańdar, zeket berińder de Allaǵa júginińder. Ol — senderdiń Ieleriń. Ol qandaı jaqsy Ie, ári qandaı jaqsy járdem berýshi» (Haj, 78).
﴿وَأَقِمِ الصَّلَاةَ إِنَّ الصَّلَاةَ تَنْهَى عَنِ الْفَحْشَاء وَالْمُنكَرِ﴾
«...Jáne namaz oqy! Shyndyǵynda namaz azǵyndyq pen jamandyqtan saqtaıdy» (Ankabýt, 45).
﴿وَاسْتَعِينُواْ بِالصَّبْرِ وَالصَّلاَةِ وَإِنَّهَا لَكَبِيرَةٌ إِلاَّ عَلَى الْخَاشِعِينَ﴾
«Sabyr men namaz arqyly járdem surańdar. Rasynda olar qorqýshylardan basqalar úshin bir qıyn is» (Baqara, 45);
﴿حَافِظُواْ عَلَى الصَّلَوَاتِ والصَّلاَةِ الْوُسْطَى وَقُومُواْ لِلّهِ قَانِتِينَ ﴾
«Barlyq namazdardy jáne ortańǵy namazdy saqtańdar» (Baqara, 238).
﴿إِنَّ الصَّلاَةَ كَانَتْ عَلَى الْمُؤْمِنِينَ كِتَاباً مَّوْقُوتاً﴾
«Rasynda namaz múminderge ýaqytyly paryz qylyndy» (Nısa, 103).
Alla Taǵala barlyq paıǵambarlarǵa, ıaǵnı olardyń úmbetterine de namaz oqýǵa ámir etken. Ol týraly ardaqty aıattarda aıtylady. Quran Kárimde Isa paıǵambardyń (a.s.) bylaı degen jetkizilgen:
﴿وَأَوْصَانِي بِالصَّلَاةِ وَالزَّكَاةِ مَا دُمْتُ حَيّاً﴾
«Ol (Alla) maǵan tiri bolǵan shaǵymda namaz oqýymdy, zeket berýimdi ósıet etti» (Marııam, 31).
Sondaı-aq, Ismaıl paıǵambar (a.s.) bylaısha sıpattalǵan:
﴿وَكَانَ يَأْمُرُ أَهْلَهُ بِالصَّلَاةِ وَالزَّكَاةِ وَكَانَ عِندَ رَبِّهِ مَرْضِيّاً﴾
«Ol (Ismaıl) januıasyna namaz oqýǵa, zeketti oryndaýǵa buıyratyn jáne Rabbysynan razylyqqa bólengen edi» (Marııam, 55).
Dańqty ári ulyq Alla sońǵy paıǵambary Muhammedke (s.a.s.) bylaı buıyrǵan:
﴿وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا لَا نَسْأَلُكَ رِزْقاً نَّحْنُ نَرْزُقُكَ وَالْعَاقِبَةُ لِلتَّقْوَى﴾
«Januıańdy namazǵa buıyryp, ol úshin sabyr et. Biz senen rızyq suramaımyz, seni Biz rızyqtandyramyz. Al sońǵy jaqsylyq taqýalyqqa» (Taha, 132).
Sondaı-aq Luqman hakim ulyna bylaısha nasıhat aıtady:
﴿يَا بُنَيَّ أَقِمِ الصَّلَاةَ وَأْمُرْ بِالْمَعْرُوفِ وَانْهَ عَنِ الْمُنكَرِ وَاصْبِرْ عَلَى مَا أَصَابَكَ إِنَّ ذَلِكَ مِنْ عَزْمِ الْأُمُورِ﴾
«Ýa, ulym! Namaz oqy, jaqsylyqqa buıyryp, jamandyqtan tyı hám basqa túsken bálege sabyr qyl. Shynynda solar – eń sheshýshi ister» (Luqman, 17).
Paıǵambardyń (s.a.s.) qaıtys bolarynan buryn úmbetine aıtyp ketken eń úlken ósıeti de namaz týraly bolatyn.
عَنْ عَلِيٍّ رَضِيَ اللهُ عَنْهُ قَالَ: كَانَ آخِرُ كَلاَمِ رَسُولِ اللَّهِ صَلَّى اللهُ عَلَيْهِ وَسَلَّمَ:» اَلصَّلاَةَ، اَلصَّلاَةَ، اِتَّقُواْ اللهَ فِيمَا مَلَكَتْ أَيْمَانُكُمْ«. رَوَاهُ أَبُو دَاوُدَ.
Álıden (r.a.) jetken rıýaıatta Allanyń elshisiniń (s.a.s.) aqyrǵy sózi «Namaz! Namazdy jáne qol astyńdaǵylardy (ıaǵnı, olardyń huqtaryn) saqtańdar!» bolǵandyǵy aıtylady. Ábý Dáýit rıýaıaty.
Namaz Islam dininiń ımannan keıingi ekinshi tiregi ári osy dinniń basty dińgegi. Sondaı-aq, Qııamet kúni pendeniń alǵashqy suralyp, esep beretin nársesi.
قال رَسُول اللَّهِ صَلَّى اللَّهُ عَلَيهِ وَسَلَّم: »بُنِيَ الإِسْلاَمُ عَلَى خَمْسٍ: شَهَادَةِ أَنْ لاَ إِلَهَ إِلاَّ اللَّه وَأَنَّ مُحَمَّداً رَسُولُ اللَّهِ، وِإِقَامِ الصَّلاَةِ، وَإِيتَاءِ الزَّكَاةِ، وَحَجِّ الْبَيْتِ، وَصَوْمِ رَمَضَانَ.« مُتَّفَقٌ عَلَيهِ.
Rasýlalla (s.a.s.) bylaı dedi: «Islam bes nársege qurylǵan: Alladan basqa qudaı joq ekendigine jáne Muhammed Onyń elshisi ekendigine kýálik berý; namaz oqý; zeket berý; Báıtýllaǵa qajylyq jasaý; Ramazanda oraza tutý». Buharı men Múslim rıýaıat etken.
عَنْ مُعَاذٍ بْنِ جَبَلٍ رَضِيَ اللهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:» رَأْسُ الأَمْرِ الإِسْلاَمُ وَعَمُودُهُ الصَّلاَةُ وَذَرْوَةُ سَنَامِهِ الْجِهَادُ .«رَوَاهُ التِّرْمِذِيُّ.
Muǵaz ıbn Jábáldan (r.a.) jetken rıýaıatta Paıǵambar (s.a.s.) bylaı deıdi: «Istiń basy – Islam, onyń dińgegi – namaz, al eń bıik shoqtyǵy – Alla jolyndaǵy jıhad». Termezı rıýaıat etken.
عَنْ أَبِي هُرَيْرَةَ رَضِيَ اللهُ عَنْهُ قَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ:» أَنَّ أَوَّلَ مَا يُحَاسَبُ بِهِ الْعَبْدُ يَوْمَ الْقِيَامَةِ مِنْ عَمَلِهِ صَلاَتُهُ فَإِنْ صَلُحَتْ فَقَدْ أَفْلَحَ وَأَنْجَحَ وَإِنْ فَسُدَتْ فَقَدْ خَابَ وَخَسِرَ .«رَوَاهُ التِّرْمِذِيُّ.
Ábý Hýraıra (r.a.) Allanyń elshisinen (s.a.s.)mynadaı hadıs estigendigin aıtady: «Qııamet kúni pendeniń eń alǵash esep beretin amaly – namazy, eger ol durys bolsa, qutylyp, sáttilikke jetedi. Al ol buzylsa, tutylyp, opyq jeıdi». Termezı rıýaıat etken. Namaz pendeniń kishi kúná-qatelikterin ketiredi. Ol jaıynda tómendegi hadıste
baıandalady. عَنْ أَبِي هُرَيْرَةَ رَضِيَ اللهُ عَنْهُ أَنَّهُ سَمِعَ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ: »أَرَأَيْتُمْ لَوْ أَنَّ نَهْرًا بِبَابِ أَحَدِكُمْ يَغْتَسِلُ فِيهِ كُلَّ يَوْمٍ خَمْسًا مَا تَقُولُ ذَلِكَ يَبْقَي مِنْ دَرَنِهِ؟ قَالُواْ: لاَ يَبْقَي مِنْ دَرَنِهِ شَيْئًا، قَالَ: فَذَلِكَ مِثْلُ الصَّلَوَاتِ الْخَمْسِ يَمْحُو اللهُ بِهَا الْخَطَايَا«. رَوَاهُ البُخَارِيُّ وَمُسْلِمٌ.
Ábý Hýraıra (r.a.) mynadaı hadıs estigendigin aıtady. Birde Allanyń elshisi (s.a.s.) sahabalaryna: «Qarańdarshy, eger bireýlerińniń úıiniń aldynda bir ózen bolyp, ol kún saıyn sonda bes ret shomylatyn bolsa, onyń boıynda bir kir qala ma?» – dep surady. Sonda sahabalar: «Joq, kirinen eshteńe de qalmaıdy», – desti. Sonda Allanyń elshisi (s.a.s.): «Mine, bes ýaqyt namaz da sondaı, Alla olar arqyly qatelikterdi ketiredi», – degen. Buharı men Múslim rıýaıat etken.
عَنْ مَالِكٍ أَنَّهُ بَلَغَهُ أََََنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:» خَيْرُ أَعْمَالِكُمُ الصَّلاَةُ وَلاَ يُحَافِظُ عَلَى الوُضُوءِ إِلاَّ مُؤْمِنٌ«. مِنْ كِتَابِ الْمُوَطَّأِ.
Málik ıbn Ánes (r.a.) Allanyń elshisiniń (s.a.s.) mynadaı hadısin estigendigin aıtady: «Amaldaryńnyń eń qaıyrlysy – namaz! Al dáretti múmin adam ǵana saqtaı alady», – degen. Ál-Mýatta kitabynan.
عَنْ جَابِرٍ قَالَ قَالَ رَسُولُ اللهِ صَلَّى اللهُ عَلَيْهِ وَسَلَّمَ: »مِفْتَاحُ الْجَنَّةِ: اَلصَّلاَةُ وَمِفْتَاحُ الصَّلاَةِ الطُّهُورُ«. رَوَاهُ أَحْمَدُ.
Jábirden (r.a.) jetken rıýaıatta Allanyń elshisi (s.a.s.): «Jánnattyń kilti - namaz. Namazdyń kilti - dáret», – degen. Islam dini kúndelikti bes ýaqyt namazdy musylmannyń barlyq ýaqytyn sergek ári qyraǵy qadaǵalaýy úshin bir-birine jaqyn etip rettedi. Sonda namaz jeliktiń jeli soǵyp, áýeıilik pen azǵyrý boı kótergen saıyn qorǵap, saqtap otyratyn senimdi qorǵaýshysyna aınalady. Dańqty ári ulyq Alla kúndelikti bes ýaqyt namazdardyń ýaqyttaryn bylaısha jetkizgen:
﴿وَأَقِمِ الصَّلاَةَ طَرَفَيِ النَّهَارِ وَزُلَفاً مِّنَ اللَّيْلِ﴾
«Kúndizdiń eki tarapynda jáne túnniń bir bóliginde namaz oqy» (Hýd, 114);
﴿أَقِمِ الصَّلاَةَ لِدُلُوكِ الشَّمْسِ إِلَى غَسَقِ اللَّيْلِ﴾
«Kún aýǵannan tún qarańǵylyǵyna deıin namaz oqy jáne tańda Quran oqy. Rasynda, tańǵy Quranǵa kýáger bar» (Isra, 78);
﴿إِنَّ الصَّلاَةَ كَانَتْ عَلَى الْمُؤْمِنِينَ كِتَاباً مَّوْقُوتاً﴾
«Rasynda namaz múminderge ýaqytyly paryz qylyndy» (Nısa, 103).
Mine, dinimizdegi namazdyń mártebesi osyndaı. Osydan soń ony oryndamaıtyn, moıyndamaıtyn, oǵan nemquraıly qaratıyn musylmandy qalaı ataımyz? Musylman ǵalymdarynyń arasyndaǵy eń jeńil pikir boıynsha namaz oqymaǵandy durys dep esepteıtin adam pasyq dep atalady. Aqıqatynda namaz oqymaý, sebebiniń qandaı bolǵanyna qaramastan óte úlken kúná, Allanyń ámirin aıaqasty etý bolyp tabylady. Al eger musylman adam namazdyń paryz ekendigin múlde moıyndamasa, Alla Taǵala saqtasyn, ondaı adamdy ǵulamalary biraýyzdan kápir dep esepteıdi. Oǵan dálel – namaz oryndamaýshynyń isiniń aýyr ekendigin, onyń dúnıe men aqyrettegi halin baıandaıtyn tómendegi aıattar. Alla Taǵala bylaı deıdi:
﴿مَا سَلَكَكُمْ فِي سَقَرَ* قَالُوا لَمْ نَكُ مِنَ الْمُصَلِّينَ﴾
«(Tozaqtaǵylardan) Senderge tozaqqa kirgizgen ne nárse? – dep suralǵanda, olar: «Biz namaz oqýshylardan bolmadyq», – desedi» (Mýddássir, 42, 43);
﴿فَوَيْلٌ لِّلْمُصَلِّينَ * الَّذِينَ هُمْ عَن صَلَاتِهِمْ سَاهُونَ﴾
«Sondaı namazdaryna nemquraıly túrde qaraıtyndarǵa qandaı ókinish!» (Maǵun, 4,5).
﴿فَخَلَفَ مِن بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيّاً﴾
«Olardan (paıǵambarlardan) keıin namazdy joǵaltyp, nápsilerine ergen urpaqtar keldi. Olar tozaqqa laqtyrylady» (Marııam, 59).
Allanyń elshisi (s.a.s.) de óziniń hadısterinde namazdy tárk etýdiń aýyr kúná ekendigin aıtyp, eskertip ótken. Sondaı hadısterdiń birazy tómendegideı.
عَنْ عُبَادَةَ بْنِ الصَّامِتِ رَضِيَ اللهُ عَنْهُ قَالَ: إِنِّي سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ: »خَمْسُ صَلَوَاتٍ اِفْتَرَضَهُنَّ اللهُ تَعَالَى مَنْ أَحْسَنَ وُضُوءَهُنَّ وَصَلاَّهُنَّ لِوَقْتِهِنَّ وَأَتَمَّ رُكُوعَهُنَّ وَخُشُوعَهُنَّ كَانَ لَهُ عَلَى اللهِ عَهْدٌ أَنْ يَغْفِرَ لَهُ وَمَنْ لَمْ يَفْعَلْ فَلَيْسَ لَهُ عَلَى اللهِ عَهْدٌ: إِنْ شَاءَ غَفَرَ لَهُ وَإِنْ شَاءَ عَذَّبَهُ«. رَوَاهُ أَبُو دَاوُدَ.
Ýbada ıbn as-Samıt (r.a.) bylaı deıdi: «Men Allanyń elshisiniń (s.a.s.) bylaı degenin estidim: «Kimde-kim Alla Taǵalanyń paryz qylǵan bes namazyn dáretin jaqsy alyp, óz ýaqytynda oqyp, rákaǵattary men moıynsunýshylyǵyn kámil túrde oryndasa, ony Allanyń keshirýi bir ýádeli mindet bolady. Al kim olaı etpese, ol úshin Allada eshbir ýáde-mindet joq, qalasa keshiredi, qalasa azaptaıdy». Ábý Dáýit rıýaıaty.
عَنْ جَابِرٍ رَضِيَ اللهُ عَنْهُ قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:» إِنَّ بَيْنَ الرَّجُلِ وَبَيْنَ الشِّرْكِ وَالْكُفْرِ تَرْكُ الصَّلاَةِ«. رَوَاهُ مُسْلِمٌ.
Jábirden (r.a.) jetken rıýaıatta Paıǵambar (s.a.s.) bylaı deıdi: «Pende men serik qosýdyń arasynda namazdy tastaý bar». Múslim rıýaıat etken.
عَنْ بُرَيْدَةَ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:» العَهْدُ الَّذِي بَيْنَنَا وَبَيْنَهُمْ الصَّلاَةُ فَمَنْ تَرَكَهَا فَقَدْ كَفَرَ .«رَوَاهُ التِّرْمِذِيُّ.
Býráıdadan (r.a.) jetken rıýaıatta Allanyń elshisi (s.a.s.) ıman keltirmegender men ıman keltirgenderdiń arasyndaǵy aıyrmashylyqty bylaısha túsindirgen: «Biz ben olar aramyzda namaz bar. Kim ony tastasa, dereý kúpirlik keltirgen bolady». Termezı rıýaıat etken.
قَالَ رَسُولُ اللهِ صَلَّى اللهُ عَلَيْهِ وَسَلَّمَ:» لَا إيمَانَ لِمَنْ لَا أَمَانَةَ لَهُ وَلَا صَلَاةَ لِمَنْ لَا طَهُورَ لَهُ وَلَا دِينَ لِمَنْ لَا صَلَاةَ لَهُ، إنَّمَا مَوْضِعُ الصَّلَاةِ مِنْ الدِّينِ كَمَوْضِعِ الرَّأْسِ مِنْ الْجَسَدِ .«رَوَاهُ الطَّبَرَانِيُّ.
Allanyń elshisi (s.a.s.) bir hadısinde bylaı degen: «Amanatqa qııanat jasaıtynnyń ımany joq, dáreti joqtyń namazy joq, namazy joqtyń dini joq. Namazdyń dindegi orny bastyń denedegi ornyndaı». Tabaranı rıýaıat etken.
قَالَ رَسُولُ اللهِ صَلَّى اللهُ عَلَيْهِ وَسَلَّمَ:» مَنْ تَرَكَ الصَّلَاةَ فَإِنَّمَا وُتِرَ أَهْلَهُ وَمَالَهُ .«رَوَاهُ الطَّبَرَانِيُّ وَالْبَيْهَقِيُّ.
Allanyń elshisi (s.a.s.) basqa bir hadısinde namazdy tastaýdyń qaýiptiligin bylaısha baıandaǵan: «Namazdy tárk etken maly men janyn apatqa ushyratqanmen teń». Tabaranı men Báıhaqı rıýaıat etken.
عَنْ عَبْدِ اللهِ بْنِ عَمْرٍو رَضِيَ اللهُ عَنْهُمَا عَنْ رَسُولِ اللهِ صَلَّى اللهُ عَلَيْهِ وَسَلَّمَ أَنَّهُ ذَكَرَ الصَّلاَةَ يَوْمًا فَقَالَ:» مَنْ حَافَظَ عَلَيْهَا كَانَتْ لَهُ نُورًا وَبُرْهَانًا وَنَجَاةً يَوْمَ الْقِيَامَةِ وَمَنْ لَمْ يُحَافِظْ عَلَيْهَا لَمْ يَكُنْ لَهُ بُرْهَانٌ وَلاَ نُورٌ وَلاَ نَجَاةٌ وَكَانَ يَوْمَ الْقِيَامَةِ مَعَ قَارُونَ وَهَامَانَ وَفِرْعَوْنَ وَأُبَيِ بْنِ خَلَفٍ.« رَوَاهُ ابْنُ حِبَّان.
Abdýlla ıbn Amrden (r.a.) jetken rıýaıatta Paıǵambar (s.a.s.) bir kúni namaz týraly mynadaı hadıs aıtqan: «Kim ony (namazdy) saqtasa ol oǵan nur, aıqyn dálel jáne Qııamet kúni tozaqtan qutylý bolady. Al kim ony saqtamasa, oǵan nur da, qutylý da joq. Ol Qııamet kúni Qarýnmen, Perǵaýynmen, Hamanmen jáne Ýbáı ıbn Halaftarmen birge bolady». Ibn Hıbban rıýaıat etken. Hadıste aty atalǵandar adamzat tarıhyndaǵy eń úlken kápirler.
عَنْ عَبْدِ اللهِ بْنِ شَقِيقٍ العُقَيْلِيِّ رَضِيَ اللهُ عَنْهُ قَالَ: »كَانَ أَصْحَابُ مُحَمَّدٍ صَلَّى اللهُ عَلَيْهِ وَسَلَّمَ لاَ يَرَوْنَ شَيْئًا مِنَ الأَعْمَالِ تَرْكُهُ كُفْرٌ غَيْرَ الصَّلاَةِ .«رَوَاهُ التِّرْمِذِيُّ.
Abdýlla ıbn Shaqıq ál-Ýqaılı bylaı deıdi: «Allanyń elshisiniń (s.a.s.) sahabalary amaldardyń arasyndaǵy eger oryndamasa naǵyz kúpirlik bolyp esepteletinin namaz dep biletin», – degen. Termezı rıýaıat etken.
Omar ıbn Hattab (r.a.): «Álbette, namazyn joǵaltqan úshin Islamnan eshqandaı da úles joq», – degen. Ibn Hazm ál-Máhállı atty kitabynda: «Serik qosýdan keıin ýaqyty ótkenshe namazdy tastaýdan jáne musylmandy naqaq óltirýden asqan kúná joq», – degen. Imam áz-Záhábı ál-Kábáır atty eńbeginde: «Namazdy ýaqytynan keshiktirýshi úlken kúnányń ıesi, al ony múlde tastap qoıý zına jasap, urlyq qylǵanmen teń. Barlyq namazdardy tastaý ne ýaqytyn ótkizip alý úlken kúná. Sondaı isti birneshe márte jasaǵan adam qashan táýbe jasaǵansha úlken kúná jasaýshylardyń qatarynda bolady. Al namazdy tastaýdy ádetke aınaldyrǵan eń sorly qylmysker, kúnáhárlardyń qatarynda», – degen.
Aqıqatynda júrektegi ımannyń dáleli paryz amaldaryn oryndaý. Adam denesiniń qozǵalysy onyń tiri ekendigin bildiretini sekildi namaz oqý, izgi is qylý ımannyń bar ekendigine aıǵaq bolady. Alla Taǵalaǵa shynaıy keıipte moıynsunyp, dúnıeden aqyretti artyq qoıyp, sonyń qamyn jeý hám ondaǵy azaptan qutylý úshin ámir etilgen paryzdardy múltiksiz oryndaýmen ımannyń tolyqtyǵy aıqyndalmaq. Abaı atamyz aıtqandaı: Dúnıege dos aqyretke birdeı bolmas, Ekeýi tap birdeı bop ornyǵa almas. Dúnıege yntyq, mahsharǵa amalsyzdyń Imanyn túgel deýge aýzym barmas! Abylaı hannyń aqyldasy, abyz aqyny Buhar jyraý ısi musylman qazaqqa Qudaıdyń qarǵysyna dýshar eter kúnádan aýlaq bolyp, bes ýaqyt namazdy qaza qaldyrmaýdy bylaısha ósıet etipti:
Birinshi tilek tileńiz:
Bir Allaǵa jazbasqa.
Ekinshi tilek tileńiz:
Ázázil, pasyq, zalymnyń
Tiline erip azbasqa.
Úshinshi tilek tileńiz:
Úshkilsiz kóılek kımeske.
Tórtinshi tilek tileńiz:
Tórde tósek tartyp jatpasqa.
Besinshi tilek tileńiz:
Bes ýaqytqy bes namaz
Bireýi qaza qalmasqa.
Jalpy bizdiń keltirilgen derekterimiz namaz oqymaǵan adamnyń kúnásynyń aýyr dárejesine qatysty aıtylǵan dálelder-pikirlerdiń bir parasy ǵana. Alladan árbir kúnálardan keshirim men esendik, amandyq tileımiz.
QMDB Sharıǵat jáne pátýa bólimi
