OTBASYNDAǴY URYS-KERISTIŃ ALDYN ALATYN DUǴALAR BAR MA?
Suraq: Otbasyndaǵy urys-keristiń aldyn alatyn duǵalar bar ma?
Ответ
Otbasynyń tutastyǵyn, shańyraqtyń shaıqalmaýyn qamtamasyz etý úshin áıel men er adamǵa ortaq, birigip saqtaýy tıis qundylyqtar bar. Bul qundylyqtar tıisti deńgeıde saqtalǵanda ǵana qurylǵan otaý berekeli bolmaq.
Alla Elshisi (oǵan Allanyń ıgiligi men sálemi bolsyn) jubaılardyń bir-birine kóńili tolmaı, renjisken sátterinde Alladan ekeýiniń arasyndaǵy súıispenshilikti odan ári arttyrýdy surap, duǵa etýge keńes bergen.Paıǵambarymyz (oǵan Allanyń ıgiligi men sálemi bolsyn) túnde oıanǵan sátterinde Aısha anamyzdyń (oǵan Alla razy bolsyn) qolynan ustap osylaısha duǵa etken.Sondaı-aq, Alla Elshisi (oǵan Allanyń ıgiligi men sálemi bolsyn) men sahabalary jubaılary men ózderi úshin duǵa etetin bolǵan.
«Rabbymyz! Jubaılarymyzdy jáne urpaqtarymyzdy kózimizdiń qýanyshy et ári bizdi taqýalardyń aldy ete gór!» («Furqan» súresi, 74-aıat)
«Rob-bá-náá háb-lá-náá mın áz-ýáá-djı-náá ýá zýr-rı-ıáá-tı-náá qýr-ro-tá á-ıý-nıý ýádj-ál-náá lıl-mýt-tá-qıı-náá-ı-máá-máá».
«Rabbym! Meni jáne urpaǵymdy namazdy (barlyq sharttaryn saqtap, berile) tolyq oryndaýshy et. Rabbymyz! Tilegimdi qabyl al!» («Ibrahım» súresi, 40-aıat).
«Rob-bıdj-al-nıı mý-qıımás so-lá-tıı ýámıńń zýr-rı-ıátıı rabbáná ýá-táqabbál dý-áá-ı»
Sondaı-aq, otbasylyq sheshimderdi qabyldaıtyn kezde onyń oń nátıje bergenin qalaısańyz myna duǵanyń kómegi kóp.
«Ia, Alla, shyn máninde, men Seniń qulyńmyn. Seniń qulyń men kúńińniń ulymyn. Meniń taǵdyrym Seniń qolynda. Seniń sheshimiń maǵan mindet ári maǵan shyǵarǵan úkimiń ádil. Saǵan tán bolǵan barlyq esimderińmen, Ózindi ataǵan nemese Kitabyńda túsirgen, nemese jaratylǵandaryńnyń birine úıretken, nemese Ózińnen basqaǵa qupııa etken barlyq esimderińmen Ózińe jalbarynamyn: Qurandy júregimniń kóktemi, keýdemniń nury, ári mazasyzdyǵym men ýaıymymdy áketýshi ete gór!»
«Allahýmmá, ınnı ‘abdýká, ıbný ‘abdıká, ıbnýámátıká, násyııatı bı-ıádıká, mádynfııáhýkmýká, ‘adlýn fı-ıáqadoýká, ás-álýká bı-kýllıısmınhýýáláká, sámmáıtábıhınáfsáká, áýánzáltáhý fı kıtábıká, áý ‘allámtáhýáhádán mın halqıká, áýıstá'sártábıhı fı ‘ılmı-l-ǵaıbı ‘ındáká, ántáj’alá-l-Qýr'ánárabı’aqalbı, ýánýrasadrı, ýájálá-á hýznııýázáhábáhámmı!» (Ahmad).
Otbasyna kelgen kez-kelgen qıyndyqtan qutylý duǵasy mynadaı:
«Ia, Alla! Rasynda, men Saǵan ýaıym-qaıǵydan, álsizdik pen jalqaýlyqtan, sarandyq pen qorqaqtyqtan, qaryzdyń aýyrtpalyǵy men adamdardyń qyspaǵynan Ózińe sıynamyn!»
«Allahýmmá, ınnı á’ýzý bıká mınál hámmı ýál-házánı, ýál-’ajzı ýál-kásálı, ýál- býhlı ýál-jýbnı, ýá dolá’ı-d-dáını ýá ǵalábátır-rıjál» (Buharı).
Jaryńyzdyń qyrsyq minezi úshin oqylatyn duǵa:
Qyrsyq áıeldiń kesirinen Allaǵa syıyný týraly Ábý Hýraıra (Alla oǵan razy bolsyn) bylaı deıtin: «Paıǵambardyń (oǵan Allanyń ıgiligi men sálemi bolsyn) duǵalarynyń qatarynda myna (duǵa) da bar edi: «Ia, Alla, aqıqatynda, men Senen jaman kórshiden, onyń (kesirinen) shashym ýaqytysynan buryn aǵaryp ketetin áıelden, ústimnen bı bolatyn baladan, men úshin azapqa aınalatyn dúnıeden, kózi meni kóretin, al júregi ańdyp otyratyn, ári eger ol menen bir jaqsy nárse kórse, jasyratyn, al eger menen jaman nárse baıqasa, jarııaǵa jar salatyn dostan pana suraımyn» (Tabaranı).
(Allahýmma ınnı a‘ýzýbıka mın járı ssý-ı, ýa mın záýjın týshaııbýnı kablá-l-máshıb, ýa mın ýaládın ıakýný ‘aláıa rabban, ýa mın málın ıakýný ‘alıaıa ‘azaban, ýa mın halılın mákırın ‘aınýhý taranı ýa qalbýhý ıar‘anı ın ra-a hasanatan dafanaha, ýa ızá ra-a saııatan aza‘aha).
