Sahý sájdeni oryndamaǵan adamnyń namazy durys pa?
Assalaýmaǵaleıkúm, sahý sájdeni oryndamaǵan adamnyń namazy durys pa?
Ответ
Namazdyń ýájipterin birin tastaǵanymyzda nemese durys oryndamaǵanymyzda, osy olqylyqty túzetetin namazdyń sonyńda jasalatyn sahý sájdesi bar ekeni málim. Sahý sájdeniń úkimi - ýájip[1]. Hadıste:
إذا شك أحدكم في صلاته، فليتحر الصواب، فليتم عليه، ثم ليسجد سجدتين
«Birilerin namazdyń ishinde kúmánǵa túsip qalsa (mysalǵa neshe rakaǵat oqyǵanyń umytsa), barynsha durysyn anyqtasyn (ıaǵnı, anyǵynda neshe rakaǵat oqyǵanyn anyqtaýǵa tyryssyn). Sóıtip sol durys dep sheshken oı boıynsha namazyn aıaqtap, eń sonyńda eki sájde jasasyn (ıaǵnı, sahý sájdesin)»[2].
Biraq sahý sájdesin jasamaı namazdy aıaqtaǵan kisiniń jaǵdaıy ne bolmaq?
Sahý sájdesi mysalǵa tómendegi jaǵdaılar sebepti oryndalmaýy múmkin:
- Imam kisi aıt, juma namazdarynda qatelik jasap, jamaǵat shatasyp qalmasyn dep sahý sájdesin ádeıi oryndamaı tastaıdy. Bul istiń durys ekendigin kóptegin ǵulamalarymyz qoldaǵan[3].
- Sahý sájdesin jasaý kerek ekeniń umytyp nemese ádeıi tastap ketken kisi eki jaǵdaıǵa tap bolýy múmkin: Iá, sálem bergennen keıin namazdy buzatyn qandaı da bir áreket jasamaı, sahý sájdeni jasaý kerektigin esine túsirýi múmkin. Iá, namazdy buzatyn áreket jasaǵannan keıin esine túsirýi múmkin. Namazdy buzatyn áreket dep qubyladan tolyqtaı burylyp ketý, sóılesý, kóp qımyldaý sııaqty isterdi meńzep jatyrmyz.
A. Birinshi máselede: ıaǵnı, namazdy buzatyn áreketti jasamastan eske túsirse, sol jerde sahý sájdesin jasap namazyn aıaqtaıdy. Sóıtip onyń namazy tolyqqandy durys atqarylǵan bolyp sanalady[4].
B. Al namazdy buzatyn áreketti jasaǵannan keıin esine tússe, onda namazdy qaıtyp oqý ýájip bolady. Qaıtyp oqymaǵan jaǵdaıda sol namazy haramǵa jaqyn makrýhpen júzege asqan bolyp esepteledi.
Astana qalasynyń pátýaǵa jaýapty mamany Darhanuly Tamırlan
[1] Hasan ıbn Omar A-sh-Shýrýnbýlıanı, “Maroqı-l-Falah sharhý Nýrı-l-ıdoh”, 2-shi tom, 145-shi bet.
[2] Imam ıbn Maja jetkizgen hadıs
[3] MýhammadAmın ıbn Omar (Ibn Abıdın retinde tanylǵan) “Hashııatý ıbn Abıdın”, 4-shi tom, 517-shi bet.
[4] MýhammadAmın ıbn Omar (Ibn Abıdın retinde tanylǵan) “Hashııatý ıbn Abıdın”, 4-shi tom, 515-shi bet.
