Ǵusyl alýǵa múmkindik bolmasa, qansha ýaqytqa deıin taıammým alady?

Aýyldyq jerde ǵusyl alýǵa, dáret alýǵa jaǵdaı bolmasa taıammýmmen qansha júrip namaz oqýǵa bolady?

Ответ

Quran Kárimde: "Eger naýqas ne saparda bolsańdar nemese senderden bireý túzge otyryp kelse ne áıelge jaqyndassańdar, sonda sý taba almasańdar taza jerge taıammúm soǵyńdar; onymen beti-qoldaryńdy sıpańdar"[1] delingen. Osy aıattaǵy "Sý taba almasańdar" degen sózden fıqh ǵulamalary túrli pátýalar shyǵarǵan.

Tómendegi jaǵdaılarda taıammým soǵýǵa ruqsat etiletindigin alǵa tartqan:[2]

a. Sýdyń bolmaýy;

á. Sý bar, alaıda qoldanýǵa múmkindik bolmasa (aýyryp qalý yqtımaldyǵy joǵary bolsa);

b. Aýyryp turǵan kisiniń, aýyrýym kúsheıip ketedi nemese aýrýdan aıyǵýym keshigip ketedi dep kúmándansa

v. Jaqyn jerde sý bolyp, ony alýǵa múmkindik bolmasa (Dushpannan nemese jyrtqysh ańdardan qorqý nemese qudyqtan sýdy shyǵaryp alý múmkindigi bolmasa).

Óziniń úıinde júrgen kisi, sý jylytyp jýynýǵa nemese dáret alýǵa múmkindigi bolǵandyǵy úshin taıammým soǵa almaıdy. Joǵaryda aıtylǵan jaǵdaılar úıinen uzaqta, ne saparda, ne syrqattanyp qalǵan kisilerge qatysty ekendigin eskertemiz. Mundaı kisiler sý qoldanýǵa alǵashqy múmkindik týǵanǵa deıin taıammým soǵa beredi.

---

[1] "Máıdá" súresi, 6-aıat

[2] ál-Fıqhýl-Hánáfı ýa ádıllátýhý, 1-tom, 84-93 better