Quran aıattary bar alqa taqsam bola ma?

Salamatsyzdar ma. Meniń suraıyn degenim: alqamda Qurannyń aıaty bar, ol alqamen ájethanaǵa kirýge bolmaıdy deıdi. Sol ras pa? Eger ruqsat bolmasa, ony balqytyp basqa nárse jasaýyma bola ma?

Aıdarova D

Ответ

Sálemetpiz. Suraǵyńyzdy eki bólip qarastyraıyq. Birinshisi: Quran aıaty bar alqamen ájethanaǵa kirý máselesi; Bul suraqqa qatysty  Imam Haskafı: «Syrty qaptalǵan rýqııamen ájethanaǵa kirý mákrúh emes, alaıda saqtanǵan durys»[1], – deıdi. Imam Haskafıdiń bul sózin ashyqtaǵan Imam Ibn Abıdın «Hashııa» kitabynda mynany aıtady: «Rýqııa dep Qurannyń aıattary jazylǵan nárselerge qoldanady. Eger ol sý ótkizbeıtin zattarmen qaptalsa, onymen ájethanaǵa kirýge bolady. Onda  duǵa retinde jazylǵan Quran aıattary aıat bolmysynan shyqpaıdy»[2].

Qorytyndy: sizdiń alqańyzdaǵy aıattar qandaı da bir zatpen qaptalmaǵan bolsa, onymen ájethanaǵa kirýge bolmaıdy. Sebebi6 Quran aıattarynyń ózindik qurmeti bar. Onymen ájethanaǵa kirý – Quran aıatyna qurmetsizdik retinde baǵalanady.

Ekinshisi: aıat jazylǵan alqany balqytý máselesine kelsek, Imam Haskafı aıtady: «Quran aıaty jazylǵan dırhamdy balqytý – mákrúh amal. Alaıda6 dırham synǵan bolsa, onda ony balqytý mákrúh emes»[3]. Imam Haskafıdiń bul sózin Imam Ibn Abıdın bylaı ashyqtaıdy: «Eger aıat jazylǵan dırham synsa, ol mákrúh bolmaıdy, sebebi synǵannan keıin ol tolyq aıat bolyp eseptelmeıdi, ondaǵy aıat áripteri de úzilip ketedi»[4].

Qorytyndy: sizdiń alqańyz osy dırham ispettes úkim alady. Ony sebepsizden balqytý – mákrúh amal. Ony tek synyp, áripteri óship ketkennen keıin ǵana balqytqan jón bolady.

Sáttilik ıesi Alla ǵana!

Aıbek Ábdiqadyr
Muslim.kz saıtynyń dinı sarapshysy