Jazylmaıtyny belgili naýqastyń ózine qol salýyna bola ma?

11 aqpan 2019 9135 0
Оqý rejımi

Assalam aleıkým! Aýrýynan qatty kúızelip, qaıta aıyǵýdan úmiti úzilgen adam ózine qol salýyna bola ma? Nemese bireýden ótinýge bola ma? Doktor H


Ответ

Ýa aleıkým salam!

Qaıta jazylýdan úmiti úzilgen adam nemese qandaı da bir kúızeliske ushyraǵan adam bolsa da óz-ózine qol salýyna esh aqysy joq. Bireýden ótinýine de jol joq. Bálkim, Alla ol adamǵa shyǵys jolyn basqashalaı daıyndaǵan bolar. Alla Taǵala:

وَلَا تَقْتُلُوا أَنْفُسَكُمْ إِنَّ اللهَ كَانَ بِكُمْ رَحِيمًا

«Jáne bir-birińdi óltirmeńder. Rasynda Alla senderge erekshe meıirimdi»[1],– deıdi. Taǵy bir jerde:

وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا

«Kim bir múmindi ádeıi óltirse, onyń jazasy, ishinde múlde qalatyn tozaq bolady. Sondaı-aq, oǵan Allanyń ashýy, qarǵysy bolyp jáne oǵan zor qınaý ázirlep qoıǵan»[2],– deıdi. Mine, osy jáne osyǵan uqsas aıattar naqaqtan adamnyń janyn alýǵa naqty tyıym salýda.

Al, Jýndýb (r.a) jetkizgen hadıste Paıǵambarymyz (s.ǵ.s) bylaı degen:

كَانَ بِرَجُلٍ جِرَاحٌ فَقَتَلَ نَفْسَهُ، فَقَالَ اللهُ: بَدَرَنِى عَبْدِى بِنَفْسِهِ، حَرَّمْتُ عَلَيْهِ الْجَنَّةَ

«Bir adamnyń jaraqaty bar edi. Sol úshin ol ózine qol saldy. Sonda Alla ol týraly: «Qulym Meniń ámirim kelmesten janyn shyǵarýǵa asyqty. Oǵan jánnat násip emes», –dedi»[3].

Osy syndy aıattar men hadısterden anyq bolǵandaı, adamnyń janyn alý – aýyr kúná ári úlken qylmys. Sol sebepti de, qandaı jaǵdaı bolmasyn, nátıjesiniń qandaı bolaryna qaramastan adamnyń ózine qol salýyna sharıǵat esh ruqsat bermeıdi.

Eń durysyn Alla biledi!

Aıbek Ábdiqadyr
Muslim.kz saıtynyń dinı sarapshysy

 


[1] «Nısa» súresi, 29-aıat.
[2] «Nısa» súresi, 93-aıat.
[3] Buharı.

Pіkіrler Kіrý